ଅବକାରୀ ଚଢଉ : ୧୦ ଗିରଫ, ୨ ଅଟୋ, ମହୁଲ ପୋଚ ଓ ଦେଶୀ ମଦ ଜବତ

ରାଉରକେଲା, ୨୬ା୧୦ : ରାଉରକେଲା ଅବକାରୀ ବିଭାଗ ପକ୍ଷରୁ ବିଶ୍ରା ଓ ବନ୍ଧମୁଣ୍ଡା ଅଞ୍ଚଳରେ ଚଢଉ କରାଯାଇ ଚୋରା ଦେଶୀ ମଦ କାରବାର ଅଭିଯୋଗରେ ୧୦ ଜଣଙ୍କୁ ଗିରଫ କରାଯାଇଛି । ସେମାନଙ୍କ ଠାରୁ ୪୧୦ କିଲୋ ମହୁଲ ପୋଚ, ୧୮୬ ଲିଟର ଦେଶୀ ଚୋରା ମଦ, ୨ଟି ପାସେଞ୍ଜର ଅଟୋ ଜବତ କରିଛି । ଅବକାରୀ ବିଭାଗ ପକ୍ଷରୁ ବିଶ୍ରା ଅଞ୍ଚଳରେ ପ୍ରଥମେ ଚଢଉ କରାଯାଇଥିଲା । ଚଢଉ ବେଳେ ଏମ୍ଡି ଫାରା ଘରୁ ୨୧୦ କିଲୋ ଚୋରା ମହୁଲ ଫୁଲ ଜବତ କରାଯାଇଛି ।

କୁକୁଡା ଗେଟର ରଶ୍ମି ତିର୍କୀ, ଶିବାନୀ ଓରାମକୁ ଗିରଫ କରାଯାଇଛି । ଦିବାନୀ ଓରାମ, ଅମିତ କିସ୍ପଟ୍ଟା, ବରକାନି ଅଞ୍ଚଳର କାନ୍ତି ମିଞ୍ଜ, ସୁନୀତା ମିଞ୍ଜ, ଜାଉରି ଏକ୍କା, ସୁଶୀଲ ଲେଙ୍କା, ଏତୁଆ ଏକ୍କାକୁ ଗିରଫ କରାଯାଇଛି । ଏମାନଙ୍କ ଠାରୁ ୧୮୬ ଲିଟର ଚୋରା ଦେଶୀ ମଦ ଜବତ କରାଯାଇଛି । ସେମାନେ ଚୋରା ମଦ ବୋହିବା ପାଇଁ ୨ଟି ଅଟୋ ରିକ୍ସା ବ୍ୟବହାର କରୁଥିଲେ । ଅବକାରୀ ଅଧିକାରୀମାନେ ଦୁଇଟି ଅଟୋ (ନଂ- ଓଡି ୧୪ଜେ ୧୭୪୩, ଓଡି ୧୪ଜେ ୨୦୭୦)କୁ ଜବତ କରିଛନ୍ତି ।