ଅନୁଗୁଳ, ଫେବୃଆରୀ ୧୧ : ଅନୁଗୁଳ ଜିଲ୍ଲାର ବନ୍ତଳ ପୋଲିସ ସୀମା ଅନ୍ତର୍ଗତ କାହଲାଗାଁରେ ଘଟିଥିବା ଭୟଙ୍କର ଅଗ୍ନିକାଣ୍ଡରେ ଚାରିଟି ପରିବାରର ୧୪ଟି ଘର ସମେତ ଗୁହାଳ ପୋଡି ପାଉଁଶ ହୋଇଯାଇଛି ।
ବୁଧବାର ବିଳମ୍ବିତ ରାତିରେ ଗାଁରେ ଘଟିଥିବା ଅଗ୍ନିକାଣ୍ଡରେ ଗୋଟିଏ ଗାଈ ଏବଂ ୨୨ରୁ ଅଧିକ ମେଣ୍ଢାଙ୍କ ମୃତ୍ୟୁ ଘଟିଛି। ପ୍ରକାଶ ଥାଉକି, ଅଗ୍ନିକାଣ୍ଡରେ କୋଣସି ବ୍ୟକ୍ତିବିଶେଷଙ୍କ କିଛି କ୍ଷୟକ୍ଷତି ହୋଇନାହିଁ । କାରଣ ଚାଳଘରେ ରହୁଥିବା ବାସିନ୍ଦାମାନେ ସୁରକ୍ଷିତ ସ୍ଥାନକୁ ଚାଲିଯାଇଥିଲେ।
ଏହି ଅଗ୍ନିକାଣ୍ଡରେ ଇଲେକ୍ଟ୍ରୋନିକ୍ ଉପକରଣ, ମୋଟରସାଇକେଲ୍, ଆସବାବପତ୍ର ଏବଂ ଅନ୍ୟାନ୍ୟ ଘରୋଇ ସାମଗ୍ରୀ ସମେତ ସମସ୍ତ ଜିନିଷ ନଷ୍ଟ ହୋଇଯାଇଛି। ଅଗ୍ନିକାଣ୍ଡରେ ଚାରିଟି ପରିବାର ବାସହରା ହୋଇଛନ୍ତି ।
ଖବର ପାଇବା ପରେ ଅଗ୍ନିଶମ ବିଭାଗର ଦୁଇଟି ଗାଡିକୁ ସେଠାରେ ନିୟୋଜିତ କରାଗଲା, ଯେଉଁମାନେ ନିଆଁ ବ୍ୟାପିବା ପ୍ରକ୍ରିୟାରେ ନିୟନ୍ତ୍ରଣ ଆଣିବାକୁ ଦୁଇ ଘଣ୍ଟା ସମୟ ନେଇଥିଲେ ।
ତେବେ କ୍ଷୟକ୍ଷତିର ସବିଶେଷ ପରିମାଣ ଜଣାପଡିନାହିଁ । ଯଦିଓ ଅଗ୍ନିକାଣ୍ଡର ପ୍ରକୃତ କାରଣ ଇଲେକ୍ଟ୍ରିକ୍ ସର୍ଟ ସର୍କିଟ ବୋଲି ସନ୍ଦେହ କରାଯାଉଛି।
Prasanta Patnaik