ଅଟୋ ଧକ୍କାରେ ବାଇକ୍ ଆରୋହୀ ଗୁରୁତର

ରାଉରକେଲା, ୨୬ /୮ : ସ’ ମିଲ ଛକଠାରେ ଏକ ସଡ଼କ ଦୁର୍ଘଟଣାରେ ଜଣେ ବାଇକ୍ ଆରୋହୀ ଗୁରୁତର ଭାବେ ହୋଇଛନ୍ତି । ଆହତ ବାଇକ୍ ଆରୋହୀ ଜଣକ ହେଲେ ବେଦବ୍ୟାସ ଖଟାଲ ବସ୍ତିର ସୁଶୀଲ ମୁଣ୍ଡା (୩୪) । ସୁଶୀଲ କୁଆରମୁଣ୍ଡା ଅଞ୍ଚଳରୁ କାମସାରି ଅପରାହ୍ନ ସାଢ଼େ ୨ଟାରେ ଘରକୁ ଫେରୁଥିଲେ । ଏହି ସମୟରେ ତାଙ୍କ ପଛପଟୁ ଏକ ଯାତ୍ରୀବାହୀ ଅଟୋ ଧକ୍କା ଦେଇଥିଲା ।

ଫଳରେ ସେ ତଳେ ଛିଟ୍କି ପଡିବା ସହ ଗୁରୁତର ଭାବେ ଆହତ ହୋଇଥିଲେ । ମାତ୍ର ଅଟୋଟି ତାଙ୍କ ଧକ୍କା ଦେଇ ଆଖିପୁଛିଳାକେ ଫେରାର ହୋଇଯାଇଥିଲା । ସୁଶୀଳଙ୍କୁ ଗୁରୁତର ଅବସ୍ଥାରେ ପ୍ରଥମେ ଆର୍ଜିଏଚ୍ରେ ଭର୍ତ୍ତି କରାଯାଇଥିଲା । ପରେ ସୁଶୀଳଙ୍କ ଅଧିକ ଚିକିତ୍ସା ପାଇଁ ଆଇଜିଏଚ୍ ସ୍ଥାନାନ୍ତର କରାଯାଇଥିଲା ।