ଅଗ୍ନିକାଣ୍ଡରେ ଜଳିଗଲା ଦୁଇ ବଖରା ଘର

ଭଦ୍ରକ, ଅକ୍ଟୋବର ୧୧ : ଗ୍ୟାସ ଲିକ ହେଇ ଅଗ୍ନିକାଣ୍ଡ ଘଟିବା ଫଳରେ ଦୁଇ ବଖରା ଘର ଜଳିଯାଇଛି । ଏପରି ଅଘଟଣ ଘଟିଛି ଭଦ୍ରକ ଜିଲ୍ଲା ବାସୁଦେବପୁର ପୌରପାଳିକା ୧୧ନମ୍ବର ୱାର୍ଡରେ । ଏହି ଅଗ୍ନିକାଣ୍ଡରେ ରତ୍ନାକର ନାୟକଙ୍କ ଘର ଓ ରୋଷେଇ ଘର ଜଳିଯାଇଛି । ସକାଳେ ପରିବାର ଲୋକ ରୋଷେଇ କରିବା ପାଇଁ ଗ୍ୟାସରେ ଅଗ୍ନି ସଂଯୋଗ କରିବା ପରେ ହଠାତ ଗ୍ୟାସ ଟାଙ୍କିରେ ନିଆଁ ଲାଗି ଯାଇଥିଲା । ସଂଗେ ସଂଗେ ଏହି ନିଆଁ ଘରକୁ ବ୍ୟାପି ଯାଇଥିଲା । ପରିବାର ଲୋକ ପ୍ରାଣ ବିକଳରେ ବାହାରକୁ ଦଉଡି ପଳାଇ ଆସିଥିଲେ । ଖବର ପାଇ ବାସୁଦେବପୁର ଅଗ୍ନିଶମ ବାହିନୀ ପହଂଚି ନିଆଁକୁ ଆୟତ୍ତ କରିଥିଲେ । ଏହି ଅଗ୍ନିକାଣ୍ଡରେ ଦୁଇ ବଖରା ଘର ଜଳିଯାଇଛି ।