ଅଗ୍ନିକାଣ୍ଡରେ ଜଳିଗଲା ଛଅ ଦୋକାନ ଓ ଲକ୍ଷାଧିକ ଟଙ୍କାର ଜିନିଷ, ସଟସର୍କିଟରୁ ଅଗ୍ନିକାଣ୍ଡର ହୋଇଥିବା ଅନୁମାନ

ଭଦ୍ରକ,ମେ 1 : ନିଆଁ ଲାଗି ଜଳିଗଲା ୬ ଦୋକାନ ଓ ଲକ୍ଷାଧତ୍କ ଟଙ୍କାର ସମ୍ପତ୍ତି ପୋଡ଼ି ପାଉଁଶ ହୋଇଯାଇଛି । ଏଭଳି ଘଟଣା ଘଟିଛି ଭଦ୍ରକ ୧୬ ନଂ ଜାତୀୟ ରାଜପଥ କଡରେ ଥିବା ରାଣୀତାଲ ବଜାରରେ ।

ବିଦ୍ୟୁତ ସଟସକିର୍ଟ ଯୋଗୁଁ ରାତି ପ୍ରାୟ ୧.୪୫ ବେଳକୁ ଏହି ଅଗ୍ନିକାଣ୍ଡ ଘଟିଥିବା କୁହାଯାଉଛି ଯାହାଫଳରେ ୬ଟି ଦୋକାନ ଜଳିଯିବା ସହ ପ୍ରାୟ ୧୫ ଲକ୍ଷ ଟଙ୍କାର ସମ୍ପତ୍ତି ଜଳିପୋଡ଼ି ପାଉଁଶ ହୋଇଯାଇଛି ।

ତେବେ ଏହି ଖବର ପାଇ ଭଦ୍ରକରୁ ଦମକଳ ଗାଡି ଘଟଣାସ୍ଥଳେର ପହଞ୍ଚି ନିଆଁକୁ ଆୟତ୍ତ କରିଥିଲା । ମାତ୍ର ସେତେବେଳକୁ ୬ଟି ଦୋକାନର ଲକ୍ଷାଧିକ ଟଙ୍କାର ସାମଗ୍ରୀ ପୋଡ଼ି ନଷ୍ଟ ହୋଇଯାଇଥିଲା ।

ବିଳମ୍ବିତ ରାତିରେ ଏହି ଅଗ୍ନିକାଣ୍ଡ ଘଟିଥିବା ଯୋଗୁଁ ଦୋକାନୀମାନେ ଦୋକାନରୁ ସମାଗ୍ରୀ କାଢ଼ିପାରିନଥିଲେ । ଅଗ୍ନିକାଣ୍ଡରେ ଲୁଗା ଦୋକାନ, ମୋବାଇଲ ଦୋକାନ, ଷ୍ଟେସନାରୀ ଦୋକାନ, ଟେଲର ଦୋକାନ ଆଦି ଜଳି ପୋଡ଼ି ପାଉଁଶ ହୋଇଯାଇଛି ।