ରାଉରକେଲା, ୧୩ା୧୨ : ବାସନ୍ତି କଲୋନୀର ୱାର୍ଡ ନଂ.୧୬ରେ ବିଜୁ ଯୁବ ବାହିନୀର ସଦସ୍ୟମାନଙ୍କ ଦ୍ୱାରା ଉକ୍ତ ୱାର୍ଡରେ ମୁଁ ହିରୋ ମୁଁ ଓଡିଶା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଅଛି । ପିତାମାତା ମନ୍ଦିରରେ ଥିବା ଈଶ୍ୱରଙ୍କ ଠାରୁ ବଡ । ତେଣୁ ତାଙ୍କ ଆର୍ଶିବାଦ ଯେଉଁ ପିଲାମାନଙ୍କ ଉପରେ ଅଛି ସେ କଦାପି ଅସଫଳତାର ସ୍ୱାଦ •ଖିପାରିବ ନାହିଁ । ସ୍ୱପ୍ନ ଦେଖ ଏବଂ ତାକୁ ସାକାର ମଧ୍ୟ କର । ଯଦି କେବଳ ନିଜକୁ ସ୍ୱପ୍ନ ଦେଖିବାରେ ସିମୀତ କରିଦେବ ତେବେ ଜୀବନରେ ବଡ ମଣିଷଟିଏ ସହ ଭଲ ମଣିଷଟିଏ ହୋଇପାରିବ ନାହିଁ ।
ଫଳର ଆଶା ନରଖି କର୍ମ କରି•ଲ । ନିଜ ଜୀବନର ୨୪ ମଧ୍ୟରୁ ୨ ବାହାର କରି ଏ ସମାଜ ପାଇଁ କାମ କର ଦେଖିବ କେତେ ଆନନ୍ଦ ମିଳିବ ବୋଲି ବକ୍ତବ୍ୟରେ ମୁଖ୍ୟ ଅତିଥି ଭାବେ ଯୋଗଦେଇ ପ୍ରାକ୍ତନ ମନ୍ତ୍ରୀ ଓ ବିଧାୟକ ତଥା ଆର୍.ଡି.ଏ ଅଧ୍ୟକ୍ଷ ଶ୍ରୀଯୁକ୍ତ ସାରଦା ପ୍ରସାଦ ନାୟକ କହିଥିଲେ । ସମ୍ମାନୀତ ଅତିଥି ଭାବେ ଯୋଗଦେଇ ବାସନ୍ତୀ କଲୋନୀ ଜଗନ୍ନାଥ ମନ୍ଦିରର ସାଧାରଣ ସମ୍ପାଦକ ଶ୍ରୀଯୁକ୍ତ ଅକ୍ଷୟ କୁମାର ଦାଶ ଯୋଗଦେଇ ଓଡିଶା ସଂସ୍କୃତି, ଜଗନ୍ନାଥ ସଂସ୍କୃତି ଉପରେ ସମ୍ୟକ ଧାରଣା ଦେଇଥିଲେ ।
ଏହି କାର୍ଯ୍ୟକ୍ରମରେ ୧୬ ନଂ ୱାର୍ଡର ନାଚଗୀତ, ଚିତ୍ରାଙ୍କନ, ସମାଜସେବା କରୁଥିବା ବିଭିନ୍ନ ପ୍ରତିଭାମାନଙ୍କୁ ସମ୍ବର୍ଦ୍ଧିତ କରାଯାଇଥିଲା । ଉକ୍ତ କାର୍ଯ୍ୟକ୍ରମକୁ ୧୬ ନଂ ୱାର୍ଡର ବିଜୁ ଯୁବ ବାହିନୀର ସଭାପତି ଚନ୍ଦ୍ରଭାନୁ ବେହେରା ସଭାପତିତ୍ୱ କରିଥିଲେ । ସମ୍ପାଦକ ନବୀନ ଖଟୁଆ ବିଜୁ ଯୁବ ବାହିନୀ ଦ୍ୱାରା କରାଯାଇଥିବା ବିଭିନ୍ନ କାର୍ଯ୍ୟକ୍ରମ ଉପରେ ନିଜର ସମ୍ପାଦକୀୟ ବିବରଣୀ ରଖିଥିଲେ ।
ଏହି କାର୍ଯ୍ୟକ୍ରମରେ ବିଜୁ ଯୁବ ବାହିନୀର ରାଉରକେଲା ମ୍ୟୁନିସିପାଲିଟି କର୍ପୋରେସନର କାର୍ଯ୍ୟକ୍ରମ ପରି•ଳକ ଅଭିଷେକ ମିଶ୍ର ଓ ୱାର୍ଡ ସଂଯୋଜକ ପ୍ରତିମା ସୋରେନ, ତୃପ୍ତି ସୋନମ ଟପ୍ନୋ ଓ ସ୍ୱରାଜ ପରିଡା ଯୋଗ ଦେଇ ଯୁବକ ମାନଙ୍କୁ ଉତ୍ସାହିତ କରିଥିଲେ । ପରିଶେଷରେ କୋଷାଧ୍ୟକ୍ଷ ନିରଞ୍ଜନ ଓଝା ଧନ୍ୟବାଦ ଅର୍ପଣ କରିଥିଲେ ।
Prasanta Patnaik