210 Views
ମୁମ୍ବାଇ, ଡିସେମ୍ବର ୨୩ : ୫୧ ଦିନ ତଳେ ହତ୍ୟା କରାଯାଇଥିବା ବାଘୁଣୀ ଅବନୀର ୨ଟି ଛୁଆଙ୍କ ମଧ୍ୟରୁ ଗୋଟିକୁ ଶନିବାର ଦିନ ମହାରାଷ୍ଟ୍ରର ଜଙ୍ଗଲରୁ ବନ ବିଭାଗ କର୍ମଚାରୀମାନେ ଧରିଛନ୍ତି।
ବ୍ୟାଘ୍ର ଶାବକଟିକୁ ଟ୍ରାଙ୍କ୍ୟୁଲାଇଜ୍ କରିବା ପରେ ଧରାଯାଇଛି। ଥଇଥାନ ନିମନ୍ତେ ତାକୁ ମଧ୍ୟପ୍ରଦେଶର ପେଞ୍ଚ୍ ଅରଣ୍ୟକୁ ପଠାଯିବ।
ନଭେମ୍ବର ୨ ତାରିଖ ଦିନ ବାଘୁଣୀ ଅବନୀକୁ ହତ୍ୟା କରାଯିବା ପରେ ମହାରାଷ୍ଟ୍ର ଓ ମଧ୍ୟପ୍ରଦେଶର ଛଅ ଜଣ ପଶୁ ଚିକିତ୍ସକଙ୍କ ସମେତ ଏକ ୧୦୦ ଜଣିଆ ଦଳ ତା’ର ଶାବକମାନଙ୍କୁ ଖୋଜୁଥିଲେ।
ମୃତ ୬ ବର୍ଷୀୟ ବାଘୁଣୀ ଅବନୀର ଥିଲେ ୨ଟି ୧୦ ମାସିଆ ଶାବକ। ସେମାନେ ଥିଲେ ଅବନୀ ଉପରେ ନିର୍ଭରଶୀଳ।
Prasanta Patnaik