ଭୁବନେଶ୍ବର : ରାଜ୍ୟର ୬୦୮ଟି ଅନୁଦାନପ୍ରାପ୍ତ ଏବଂ ୨୬୦୮ଟି ନୂଆ ଅନୁଦାନପ୍ରାପ୍ତ ସ୍କୁଲର ହିନ୍ଦୀ, ସଂସ୍କୃତ ଏବଂ ପିଇଟି ଶିକ୍ଷକଙ୍କ ପାଇଁ ରାଜ୍ୟ ସରକାର ନିୟମ କୋହଳ କରିଛନ୍ତି। ଏହି ଶିକ୍ଷକମାନେ ବୃତ୍ତିଗତ ପ୍ରଶିକ୍ଷଣ ନନେଇଥିଲେ ବି ସେମାନଙ୍କୁ ତାଲିମପ୍ରାପ୍ତ ଶିକ୍ଷକଙ୍କ ଦରମା ପ୍ରଦାନ କରାଯିବ। ହେଲେ ଏଥିପାଇଁ ସେମାନଙ୍କୁ ୪୮ବର୍ଷ ବା ତଦୁର୍ଦ୍ଧ୍ବ ହୋଇଥିବା ଦରକାର ବୋଲି ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ଦାଶ କହିଛନ୍ତି।
ଆଜି ସଚିବାଳୟରେ ମନ୍ତ୍ରୀ ଶ୍ରୀ ଦାଶ ବିଭାଗୀୟ ଅଧିକାରୀମାନଙ୍କ ସହ ଆଲୋଚନା କରିବା ପରେ ଏହି ନିଷ୍ପତ୍ତି ନେଇଛନ୍ତି। ରାଜ୍ୟ ସରକାରଙ୍କ ଏହି ନିଷ୍ପତ୍ତି ଦ୍ବାରା ପ୍ରାୟ ୫ହଜାରରୁ ଅଧିକ ଶିକ୍ଷକ ଉପକୃ୍ତ ହେବେ ବୋଲି ଜଣାପଡ଼ିଛି।
ଏନେଇ ମନ୍ତ୍ରୀ ଶ୍ରୀ ଦାଶ କହିଛନ୍ତି ଯେ, ସଂସ୍କୃତ, ହିନ୍ଦୀ ଓ ପିଇଟି ଶିକ୍ଷକମାନଙ୍କ ଅଭିଜ୍ଞତାକୁ ଭିତ୍ତିକରି ଏଣିକି ୪୮ବର୍ଷ ପରେ ସେମାନଙ୍କୁ ଆଉ ବୃତ୍ତିଗତ ତାଲିମ୍ ନେବାକୁ ପଡ଼ିବନି। ସେମାନେ ତାଲିମ୍ ନନେଲେ ବି ତାଲିମପ୍ରାପ୍ତ ଶିକ୍ଷକଙ୍କ ଭଳି ଦରମା ପାଇବେ। ଏହାକୁ ତୁରନ୍ତ ଲାଗୁ କରିବାକୁ ନିଷ୍ପତ୍ତିି ହୋଇଛି।
Prasanta Patnaik