ସମ୍ବାଦ ସରବରାହ ସଂସ୍ଥା ଏଏନଆଇର ସୂଚନାକ୍ରମେ, ଗୁରୁବାର ରାତି ସିନ୍ଧୁ ସୀମାରେ ଭାରି ଏବଂ ମଧ୍ୟମ ଶ୍ରେଣୀ ଯାନଗୁଡିକର ଯାଞ୍ଚ କରାଯାଇଥିଲା ଏବଂ ଏହି ଶ୍ରେଣୀ ଗୁଡିକର ଗାଡି ଉପରେ ରୋକ ଲଗାଯିବା ସହ ଫେରାଇ ଦିଆଯାଇଥିଲା। ସବ୍ ଇନିସପେକ୍ଟର ରମେଶଙ୍କ କହିବାନୁଯାୟୀ, ଭାରି ଏବଂ ମଧ୍ୟମ ଶ୍ରେଣୀର ବାହାନଗୁଡିକ ମଧ୍ୟରେ ଫଳ, ପନିପରିବା, ଶସ୍ୟ ଏବଂ ଆବଶ୍ୟକିୟ ବସ୍ତୁ ନେଇଥିବା ଗାଡିକୁ ଦିଲ୍ଲୀରେ ପ୍ରବେଶ କରାଯିବାକୁ ଅନୁମତି ଦିଆଯାଇଥିଲା । ଅନ୍ୟଥା ଅନ୍ୟ ସମସ୍ତଗାଡିକୁ ଫେରାଇ ଦିଆଯାଇଥିଲା। ସେ କହିଛନ୍ତି ଯେ ୮ ନଭେମ୍ବର ରାତି ୧୧ଟାରୁ ୧୧ ନଭେମ୍ବର ରାତି ୧୧ଟା ଯାଏ ଦିଲ୍ଲୀରେ ପ୍ରବେଶ କରୁଥିବା ଟ୍ରକ ଉପରେ ନିଷିଧାଦେଶ ଜାରି କରାଯାଇଛି।
ସେହିପରି ଶୁକ୍ରବାର ଦିଲ୍ଲୀର ଆନ୍ଦନବିହାର ବାୟୁ ମାତ୍ରା ଇଣ୍ଡେକ୍ସ ୫୮୫, ଆମେରିକା ଦୂତାବାସ ଅଞ୍ଚଳରେ ୪୬୭ ଏବଂ ଆରକେ ପୁରମରେ ୩୪୩ ରହିଥିଲା । ଏହି ସମସ୍ତ ଅଞ୍ଚଳରେ ଏୟାର କ୍ୱାଲିଟି ଇଣ୍ଡେକ୍ସ ଅଥବା ଏଆଇକ୍ୟୁ ବିପଦପୂର୍ଣ୍ଣ ଶ୍ରେଣୀରେ ରହିଛି। ରାଷ୍ଟ୍ରୀୟ ରାଜଧାନୀ କ୍ଷେତ୍ରରେ ପର୍ଯ୍ୟାବରଣ ପ୍ରଦୂଷଣ (ରୋକଥାମ ଏବଂ ନିୟନ୍ତ୍ରଣ) ପ୍ରାଧାକରଣ ବା ଇପିସିଏ ଡିଜେଲ ଚାଳିତ ଯାନବାହାନ ଗୁଡିକୁ ତିନ ଦିନ ପର୍ଯ୍ୟନ୍ତ ଚଳାଚଳ ନକରିବା ପାଇଁ ଗାଡି ମାଲିକଙ୍କୁ ଅନୁରୋଧ କରିଛି ।
Prasanta Patnaik