୧୩, ୫୦୦ କୋଟି ଟଙ୍କାର ଆମେରିକୀୟ ହେଲିକପ୍ଟର୍‌ କିଣିବ ଭାରତ

ନୂଆଦିଲ୍ଲୀ, ୧୬/୧୧: ୧୩, ୫୦୦ କୋଟି ଟଙ୍କାର ୨୪ଟି ନାଭାଲ୍‌ ମଲ୍‌ଟି-ରୋଲ୍‌ ଏମ୍‌ଏଚ୍‌-୬୦ ‘ରୋମିଓ’ ହେଲିକପ୍ଟର୍‌ ଖରିଦ କରିବାକୁ ଗୁରୁବାର ଦିନ ଏନ୍‌ଡିଏ ସରକାର ଯୁକ୍ତରାଷ୍ଟ୍ର ଆମେରିକା ସରକାରଙ୍କୁ ‘ଅନୁରୋଧ ପତ୍ର’ ପଠାଇଛନ୍ତି। ଟର୍‌ପେଡୋ ଏବଂ କ୍ଷେପଣାସ୍ତ୍ର ରଖାଯାଇ ପାରୁଥିବା ଏହି ହେଲିକପ୍ଟର୍‌ର ବୁଡ଼ାଜାହାଜ ବିରୋଧରେ ଲଢ଼େଇ କରିବାର କ୍ଷମତା ରହିଛି।

ସିକୋର୍‌ସ୍କି-ଲକ୍‌ହିଡ୍‌ ମାର୍ଟିନ୍‌ ଦ୍ୱାରା ନିର୍ମିତ ଏହି ହେଲିକାପ୍ଟର୍‌ ସବୁ ଭାରତୀୟ ନୌସେନା ପାଇଁ ୨୦୨୦-୨୦୨୪ ସମୟକାଳ ମଧ୍ୟରେ ଅଣାଯିବ। ବର୍ଷେ ମଧ୍ୟରେ ଯୁକ୍ତରାଷ୍ଟ୍ର ଆମେରିକାର ବୈଦେଶିକ ସାମରିକ ବିକ୍ରୟ କାର୍ଯ୍ୟକ୍ରମ ଜରିଆରେ ଭାରତ ସରକାର ଏବଂ ଆମେରିକା ସରକାର ଏଥିପାଇଁ ଚୁକ୍ତି କରିବେ।