୧୦ଲକ୍ଷ ଟଙ୍କାର ଅଳଙ୍କାର ଲୁଟ କରିଥିବା ଯୁବକଙ୍କୁ ଧରିଲା ଦିଲ୍ଲୀ ପୋଲିସ

ବାଲେଶ୍ୱର  :   ଆଜି ଦିଲ୍ଲୀ ପୋଲିସ  ବାଲେଶ୍ୱର ଅଂଚଳରୁ ଜଣେ ୧୦ଲକ୍ଷ ଟଙ୍କାର ଅଳଙ୍କାର ଲୁଟିଥିବା ଚୋରକୁ ଧରିବାରେ ସଫଳ ହୋଇଛି ।  ସୂଚନାନୁସାରେ, ବାଲେଶ୍ୱର ଜିଲ୍ଲା ରଘୁନାଥପୁର ଗାଁରୁ ଜଣେ ଯୁବକଙ୍କୁ ଦିଲ୍ଲୀ ଆଦର୍ଶ ନଗର ପୋଲିସ ଗିରଫ କରିଛି । ପରେ ଲୁଟ ଅଳଙ୍କାର ଆଣି କଟକରେ ବିକ୍ରି କରିଥିବା ଅଭିଯୁକ୍ତ ଯୁବକ ପୋଲିସ ଆଗରେ ସ୍ୱିକାର କରିଛି । ଅଭିଯୁକ୍ତ ଯୁବକ ଦିଲ୍ଲୀରେ ରହି ଜଣେ ପ୍ରତିଷ୍ଠିତ ବ୍ୟବସାୟୀଙ୍କ ଘରେ ରହି କାମ କରୁଥିଲା । ସପ୍ତାହ ତଳେ ବ୍ୟବସାୟୀଙ୍କ ଘରୁ ୧୦ଲକ୍ଷରୁ ଅଧିକ ଟଙ୍କାର ହୀରା ଓ  ସୁନା ଗହଣା ଲୁଟ କରି ନିଜ ଗାଁକୁ ଫେରି ଆସିଥିଲେ । ବ୍ୟବସାୟୀ ଦିଲ୍ଲୀସ୍ଥିତ ଆଦର୍ଶ ନଗର ଥାନାରେ ଏତଲା ଦେବା ପରେ ଚୋରକୁ ଖୋଜାଯାଇଥିଲା ।