ସ୍ଥିରୀକୃତ ହୋଇନାହିଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦେଶବାସୀଙ୍କୁ ଉଦବୋଧନ ସମୟ, ଟୁଇଟ କରି ଡିଲିଟ୍ କରିଲା ଆକାଶବାଣୀ

ନୂଆଦିଲ୍ଲୀ : ଆକାଶବାଣୀରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଅପରାହ୍ନ ୪ଟାରେ ଦେଶବାସୀଙ୍କୁ ଉଦବୋଧନ ଦେବେ ବୋଲି ପ୍ରଥମେ ଜଣାଯାଇଥିଲା। ଏନେଇ ଆକାଶବାଣୀ ପକ୍ଷରୁ ଟୁଇଟ୍ କରାଯାଇଥିଲା । କିନ୍ତୁ କିଛି ସମୟପରେ ଏହି ଟୁଇଟକୁ ଡିଲିଟ କରି ଦେଇଛି ଆକାଶବାଣୀ।

ସୂଚନାଯୋଗ୍ୟ ନରେନ୍ଦ୍ର ମୋଦୀ ସରକାରଙ୍କ ଜମ୍ମୁ- କଶ୍ମୀର ପୁନର୍ଗଠନ ଓ ଧାରା ୩୭୦କୁ ଉଚ୍ଛେଦ କରିବା ବିଲ୍ ଉଭୟ ଲୋକସଭା ଏବଂ ରାଜ୍ୟସଭାରେ ବହୁମତ ସହିତ ଗୃହୀତ କରାଯାଇଛି ।

ଜମ୍ମୁ କଶ୍ମୀରରୁ ଧାରା ୩୭୦ ଉଚ୍ଛେଦ ଉଭୟ ରାଜ୍ୟସଭା ଓ ଲୋକସଭା ଗୃହୀତ କରିବା ପରେ ଗତ ମଙ୍ଗଳବାର ରାଷ୍ଟ୍ରପତି ରାମନାଥ କୋବିନ୍ଦ ମଂଜୁରି ଦେଇଛନ୍ତି । ରାଷ୍ଟ୍ରପତିଙ୍କ ଅନୁମୋଦନ ମିଳିବା ପରେ ଏବେ ଏହା ଆଇନରେ ପରିଣତ ହୋଇଛି ।