ସେକ୍ଟର-୧୬ ସ୍ଥିତ ଡିଏଭି ବିଦ୍ୟାଳୟରେ ଗୁରୁଦିବସ ପାଳିତ

ରାଉରକେଲା, ୬ା୯ : ସେକ୍ଟର-୧୬ ସ୍ଥିତ ଡିଏଭି ପବ୍ଲିକ୍ ସ୍କୁଲରେ ଆଜି ଗୁରୁଦିବସ ମହାସମାରୋହରେ ପାଳିତ ହୋଇଯାଇଛି । ଏହି ଅବସରରେ ସର୍ବପଲ୍ଲୀ ରାଧାକ୍ରିଷ୍ଣନଙ୍କ ଜନ୍ମ ଓ କର୍ମମୟ ଜୀବନକୁ ସୁନ୍ଦର ଭାବେ ବିଦ୍ୟାଳୟ ପ୍ରଧାନ ଶିକ୍ଷୟିତ୍ରୀ ଯଶବିନ୍ଦର କୌର ଉପସ୍ଥାପନା କରିଥିଲେ । ଏଥିସହିତ ଛାତ୍ରଛାତ୍ରୀମାନଙ୍କ ଗୁରୁତମାନଙ୍କ ପ୍ରତି କର୍ତ୍ତବ୍ୟ ଓ ମୂଲ୍ୟବୋଧ ଉପରେ ବିଶଦ୍ ଭାବେ ଆଲୋଚନା କରିଥିଲେ ।

ଏତଦ୍ବ୍ୟତୀତ ଛାତ୍ରଛାତ୍ରୀମାନେ ଗୁରୁଜୀ-ଗୁରୁମା’ମାନଙ୍କୁ ସମ୍ବର୍ଦ୍ଧନା ଜଣାଇ ତିଳକ ଓ ପୁଷ୍ପ ପ୍ରଦାନ କରିଥିଲେ । ଏହି ଅବସରରେ ବିଭିନ୍ନ ସ୍କୁଲର ଛାତ୍ରଛାତ୍ରୀମାନେ ମନମୁଗ୍ଧକର ନୃତ୍ୟ ବରିବେଷଣ କରିଥିଲେ । ଅଭିଜ୍ଞ ବିଚାରକମାନେ ନୃତ୍ୟ କାର୍ଯ୍ୟକ୍ରମର ମୂଲ୍ୟାଙ୍କନ କରିଥିଲେ । ପ୍ରଧାନ ଶିକ୍ଷୟିତ୍ରୀ ଯଶବିନ୍ଦର କୌରଙ୍କ ସହଯୋଗରେ ଗୁରୁଦିବସ ପାଳନ ଅତ୍ୟନ୍ତ ଶୃଙ୍ଖଳିତ ଭାବେ ସମ୍ପନ୍ନ ହୋଇଥିଲା ।