ତେବେ ପ୍ରଦର୍ଶନକାରୀଙ୍କୁ ବିରୋଧ କରି ସାମାଜିକ କାର୍ଯ୍ୟକର୍ତା ତୃପ୍ତି ଦେଶାଇ ମନ୍ଦିର ଦର୍ଶନ କରିବା ପାଇଁ କୋଚ୍ଚୀର ବିମାନ ବନ୍ଦରରେ ପହଁଚିଛନ୍ତି । ସେ କହିଛନ୍ତି କି, ଡିସେମ୍ବର ୧୭ରେ ଏକ ମହିଳା ସମୂହ ସହ ସେ ମନ୍ଦିର ଦର୍ଶନ ପାଇଁ ଯିବେ । ଏଥିପାଇଁ ସେ ପୁଲିସ ଠାରୁ ସୁରକ୍ଷା ମଧ୍ୟ ମାଗି ସାରିଛନ୍ତି । ଦେଶାଇ କହିଛନ୍ତି କି, ତାଙ୍କ ଉପରକୁ ଆକ୍ରମଣ ହେଲେ ସେ କେରଳର ମୁଖ୍ୟମନ୍ତ୍ରୀ ଏବଂ ଡିଜିପିଙ୍କୁ ଦାୟୀ କରିବେ । ତେବେ ଆଜି ସକାଳେ ସେ ବିମାନ ବନ୍ଦରରୁ ବାହାରି ପାରି ନଥିଲେ କାରଣ ପ୍ରଦର୍ଶନକାରୀମାନେ ତାଙ୍କୁ ଘେରି ଥିଲେ ।
ଦେଶାଇଙ୍କ କହିବା ଅନୁଯାୟୀ, ବିରୋଧୀମାନଙ୍କୁ ହିଂସାର ମାର୍ଗ ଆପଣେଇବା ଅନୁଚିତ୍ । ସେ ମନ୍ଦିରରେ ପହଁଚିବା ପରେ ରାଜ୍ୟ ସରକାର ତାଙ୍କୁ କେଉଁଭଳି ଭାବରେ ସୁରକ୍ଷା ଦେଉଛନ୍ତି ତାହା ଜଣା ପଡିବ । ତାଙ୍କ ଉପରେ ଆକ୍ରମଣ ହୋଇ ପାରେ । ତାଙ୍କୁ ବହୁ ହତ୍ୟା ଧମକ ମଧ୍ୟ ମିଳି ସାରିଛି । ସେହି ସମୟରେ ଦେଶାଇଙ୍କ ଦର୍ଶନକୁ ନେଇ ବିଜେପି ନେତା ଏମଏନ ଗୋପୀ କହିଛନ୍ତି ଯେ, ସେମାନେ ତୃପ୍ତି ଦେଶାଇଙ୍କୁ କୌଣସି ସରକାରୀ ଗାଡି ସାହାଯ୍ୟରେ ବିମାନ ବନ୍ଦରରୁ ବାହାରକୁ ଆସିବାକୁ ଦେବେ ନାହିଁ । ଯଦି ସେ ଚାହୁଁଛନ୍ତି ତେବେ ସେ ନିଜ ବାହାନର ଉପେଯାଗ କରିବେ । କିନ୍ତୁ ତଥାପି ଯଦି ସେ ବିମାନ ବନ୍ଦରରୁ ବାହାରକୁ ବାହାରିବେ ତେବେ ତାଙ୍କୁ ରାସ୍ତା ସାରା ବିରୋଧର ସାମ୍ନା କରିବାକୁ ପଡିବ ।
Prasanta Patnaik