ଶ୍ରୀମନ୍ଦିର ଖୋଲିବା ନେଇ ଛତିଶାନିଯୋଗର ଗୁରୁତ୍ୱପୂର୍ଣ୍ଣ ବୈଠକରେ ଆଜି ହେବ ନିଷ୍ପତି

ଭୁବନେଶ୍ୱର, ଡିସେମ୍ବର 12: ଖୁବ ଶୀଘ୍ର ଖୋଲିବ ଶ୍ରୀମନ୍ଦିର ! ଏନେଇ ଆଜି ଦିନ 12ଟାରେ ସ୍ଥାନୀୟ ନୀଳାଦ୍ରି ଭକ୍ତ ନିବାସ ଠାରେ ଅନୁଷ୍ଠିତ ହେବ  ଛତିଶାନିଯୋଗର  ଗୁରୁତ୍ୱପୂର୍ଣ୍ଣ ବୈଠକ  ।  ମୁଖ୍ୟ ପ୍ରଶାସକ କ୍ରୀଷନ କୁମାରଙ୍କ ଅଧକ୍ଷତାରେ ଅନୁଷ୍ଠିତ ହେବ ବୈଠକ  ।

ଛତିଶାନିଯୋଗର  ଗୁରୁତ୍ୱପୂର୍ଣ୍ଣ ବୈଠକରେ ଶ୍ରୀମନ୍ଦିର ଖୋଲିବା ସହ ସାଧାରଣ ଭକ୍ତଙ୍କ ଲାଗି କିଭଳି ଦର୍ଶନ ବ୍ୟବସ୍ଥା କରାଯିବ ସେ ସମ୍ପର୍କରେ ଆଲୋଚନା ହେବ । ସେହିଭଳି ଆଜିର ବୈଠକରେ ଶ୍ରୀମନ୍ଦିରରେ ଆସନ୍ତା 15 ତାରିଖରେ ପଡୁଥିବା ଧନୁ ସଂକ୍ରାନ୍ତିରେ  ପହିଲିଭୋଗ ନୀତି ସହ ଜାନୁଆରୀ 14 ରେ ମକର ସଂକ୍ରାନ୍ତି ଓ 28 ରେ ଦେବାଭିଷେକ ନେଇ ମଧ୍ୟ ନୀତିନିର୍ଘଣ୍ଟ ଚୂଡ଼ାନ୍ତ କରାଯିବ ବୋଲି ଜଣାପଡ଼ିଛି । ଵୈଠକରେ ପୁରୀ ଜିଲ୍ଲାପାଳ,ଏସପି,ଶ୍ରୀମନ୍ଦିର ପ୍ରଶାସନର ଅଧିକାରୀଙ୍କ ସମେତ ଛତିଶାନିଯୋଗ ମହାନାୟକ ଜନାର୍ଦ୍ଦନ ପାଟଯୋଶୀ ମହାପାତ୍ର ଓ ସମସ୍ତ ନିଯୋଗର ସେବାୟତ ପ୍ରତିନିଧି ମାନେ ଉପସ୍ଥିତ ରହିବେ  ।