ଭୁବନେଶ୍ୱର : କାର୍ ପାର୍କିଂକୁ ନେଇ ଲକ୍ଷ୍ମୀସାଗର ଥାନା ଅନ୍ତର୍ଗତ ଭଗବାନ ଆପାଟମେଣ୍ଟ ନିକଟରେ ଶିଖ୍ ଯୁବକ ପରବିନ୍ଦର ପାଲ୍ ସିଂହଙ୍କ ଉପରେ ହୋଇଥିବା ସଂଘବଦ୍ଧ ଆକ୍ରମଣ ଘଟଣାରେ ଗିରଫ ୩ ଅଭିଯୁକ୍ତଙ୍କୁ ଜାମିନ ମିଳିଯାଇଛି। ଭୁବନେଶ୍ୱର ଏସଡିଜେମ୍ କୋର୍ଟରୁ ଗତକାଲି ସେମାନଙ୍କୁ ଜାମିନ ମିଳିଛି ।
ଗାଡି ପାର୍କିଂକୁ କେନ୍ଦ୍ର କରି ପରବିନ୍ଦର ପାଲ ସିଂହଙ୍କୁ ବିଜେଡିର ପୂର୍ବତନ କର୍ପୋରେଟରଙ୍କ ପୁତୁରା ଦୀପକ ଜେନା, ତାଙ୍କ ସହଯୋଗୀ ଶଙ୍କର ରାଉତ ଏବଂ ଦୀପକ ମହାନ୍ତି ଆକ୍ରମଣ କରିଥିଲେ । ପୁଲିସ୍ ଉପସ୍ଥିତିରେ ଏଭଳି ମରଣାତ୍ମକ ଆକ୍ରମଣକୁ ନେଇ ତୀବ୍ର ପ୍ରତିକ୍ରିୟା ପ୍ରକାଶ ପାଇଥିଲା। ଏହାପରେ କମିଶନରେଟ ପୁଲିସ୍ ଦାୟିତ୍ୱରେ ଅବହେଳା ହୋଇଥିବା ମାନିବା ସହ ପିସିଆର ଇନଚାର୍ଜଙ୍କୁ ସସପେଣ୍ଡ କରିଥିଲେ ।
ସେହିପରି ୩ ଦିନ ମଧ୍ୟରେ ଅଭିଯୁକ୍ତଙ୍କ ବିରୁଦ୍ଧରେ ଚାଜର୍ସିଟ୍ ଦାଖଲ ଲାଗି ନିର୍ଦ୍ଦେଶ ଦେଇଥିଲେ ପୁଲିସ୍ କମିଶନର। ଏପରିକି ଭୁବନେଶ୍ୱର ଡିସିପି ଅନୁପ ସାହୁ ଗତକାଲି ପରବିନ୍ଦରଙ୍କୁ ଭେଟିବା ସହ ଦୋଷୀଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ ବୋଲି ପ୍ରତିଶ୍ରୁତି ଦେଇଥିବା କହିଛନ୍ତି ପରବିନ୍ଦର ।
Prasanta Patnaik