225 Views
କୋଲମ୍ବାଟୁର: ଛୋଟ ଥିବା ବେଳେ ସମସ୍ତେ ଲୁଚକାଳି ଖେଳ ଖେଲିଥିବେ ନିଶ୍ଚୟ । କିନ୍ତୁ ଏହି ଖେଳ ପାଇଁ ତାମିଲନାଡୁର କୋଏମ୍ବାଟୁରରେ ଥିବା କନୁବାଇ ସହରରେ ଯାହା ଘଟିଛି । ତାହାକୁ ନେଇ ଏବେ ଚାରି ଆଡ଼େ ଚର୍ଚ୍ଚା ।ସୂଚନା ମୁତାବକ, କନୁବାଇରେ ରହୁଥିବା ୩୨ବର୍ଷୀୟ ଆର୍.ମଣିକନ୍ଦନ ଏକ ମୋବାଇଲ ଦୋକନର ମାଲିକ । ଗୁରୁବାର ସନ୍ଧ୍ୟାରେ ସେ ଘରକୁ ଫେରି ଛାତ ଘରର ଛାତ ଉପରେ ନିଜ ୫ବର୍ଷୀୟା ଝିଅ ସହ ଲୁଚକାଳି ଖେଳୁଥିଲେ । ଏହି ସମୟରେ ଦୁହିଁଙ୍କୁ ଠିଆ ହୋଇ ଦେଖୁଥିଲେ ମଣିକନ୍ଦନଙ୍କ ଦୁଇ ବର୍ଷୀୟ ପୁଅ । କିନ୍ତୁ ସେ ଖେଳ ଦେଖୁ ଦେଖୁ ଅଜଣାତରେ ପାଣି ଟାଙ୍କିରେ ପଡ଼ି ଯାଇଥିଲେ । ଘଣ୍ଟାଏ ପରେ ମଣିକନ୍ଦନ ନିଜ ପୁଅକୁ ପାଖରେ ନ ପାଇ ଚାରିଆଡ଼େ ଖୋଜିବାକୁ ଲାଗିଥିଲେ । କିଛି ସମୟରେ ସେ ନିଜ ପୁଅକୁ ପାଣି ଟାଙ୍କିରେ ପଡ଼ିଥିବାର ଦେଖିଥିଲେ । କିନ୍ତୁ ସେତେବେଳକୁ ଆଉ କିଛି ବାକି ନଥିଲା । ପୁଅର ମୃତ୍ୟୁ ହୋଇ ସାରିଥିବା ଦେଖି ତାଙ୍କୁ ଶକ୍ତ ଆଘାତ ଲାଗିଥିଲା ।
ଯାହା ପରେ ମଣିକନ୍ଦନ ନିଜ ଝିଅକୁ ଛାତ ଉପରକୁ ଲୁଚିବା ପାଇଁ ପଠାଇ ବେକରେ ରସି ଲାଗାଇ ଆତ୍ମହତ୍ୟା କରିଥିଲେ । କିଛି ସମୟ ଛାତ ଉପରେ ଅପେକ୍ଷା କରି ମଣିକନ୍ଦନଙ୍କ ଝିଅ ତଳକୁ ଆସିବା ସହ ତାଙ୍କୁ ଖୋଜିବାକୁ ଲାଗିଥଲା । ହେଲେ ନ ପାଇବା ପରେ ସେ ନିଜ ମା’ଙ୍କୁ ଡ଼ାକିବା ସହ ଦୁହେଁ ଶୋଇବା ଘରର କବାଟ ଭାଙ୍ଗିବା ପରେ ଭିତରର ଦୃଶ୍ୟ ଦେଖି ଚମକି ପଡ଼ିଥିଲେ । ପୁଲିସ ଘଟଣାସ୍ଥଳରେ ପହଞ୍ଚିବା ପରେ ଘଟଣାଟି ଚାରିଆଡ଼େ ପ୍ରସାର ହେବାକୁ ଲାଗିଥିଲା । ତଦନ୍ତ ପରେ ମଣିକନ୍ଦନ ପୁଅର ମୃତ୍ୟୁର ବୋଝକୁ ସହି ନ ପାରି ଏପରି କରିଥିବା ଜଣା ପଡ଼ିଥିଲା ।
Prasanta Patnaik