ରାଜ୍ୟ ଉଷୁ ପାଇଁ କଳିଙ୍ଗ ୱାରିୟର୍ସର ବେଲପାହାଡ ଗସ୍ତ

ରାଉରକେଲା, ୧୭ା୮: ଚଳିତ ମାସ ୧୭ରୁ ୧୯ ତାରିଖ ପର୍ଯ୍ୟନ୍ତ ବେଲପାହାଡର ଜୁବୁଲି ହଲ୍ଠାରେ ୨୬ତମ ଓଡିଶା ରାଜ୍ୟ ଉଷୁ ପ୍ରତିଯୋଗିତା ଅନୁଷ୍ଠିତ ହେବାକୁ ଯାଉଛି । ଓଡିଶା ରାଜ୍ୟ ଉଷୁ ସଂଘ ଏବଂ ଝାରସୁଗୁଡା ଜିଲା ଉଷୁ ସଂଘର ମିଳିତ ଆନୁକୂଲ୍ୟରେ ଏହି ପ୍ରତିଯୋଗିତାରେ ସମଗ୍ର ରାଜ୍ୟରୁ ୩୫୦ ଜଣ ପ୍ରତିଯୋଗୀ ସାନ୍ସୁ ଓ ତାଉଲୁରେ ଅଂଶଗ୍ରହଣ କରିବେ ସହରର ଜଣାଶୁଣା ଉଷୁ କଳାକେନ୍ଦ୍ର କଳିଙ୍ଗ ୱାରିୟର୍ସର ୧୬ ଜଣ ସଦସ୍ୟ ।

ଏହି ଦଳର କୋଚ୍ ଏସ୍.କୁମାର ଓ ମ୍ୟାନେଜର ମନୋଜ ମାଝିଙ୍କ ନେତୃତ୍ୱରେ ଆଜି ଦଳ ବେଲ୍ପାହାଡ ଯାତ୍ରା କରିଛନ୍ତି । ୬ବର୍ଷରୁ କମ୍ ଉପକନିଷ୍ଠ ବିଭାଗରେ ଅନିକେତ ମାଝି, ୬ବର୍ଷରୁ ଊଦ୍ଧ୍ୱର୍ ଉପକନିଷ୍ଠ ବିଭାଗରେ ବରୁଣ ପାତ୍ର, ସଦାଶିବ ନାୟକ, ସିଦେ୍ଧଶ୍ୱର ନାୟକ, ରୋହିତ ସ୍ୱାଇଁ, ଶିବରାମ ବର୍ମା, ସିଦ୍ଧାର୍ଥ ସାହୁ, ଅଦିତ ପାଣ୍ଡେ, ଅର୍ପିତ ନାୟକ, ମଳୟ ନନ୍ଦ ଓ ବାଳିକା ଉପକନିଷ୍ଠ ବିଭାଗରେ ଶ୍ରିଷ୍ଟି ସିଂହ, କନିଷ୍ଠ ବିଳିକା ବିଭାଗରେ ସୁଲଗ୍ନା ମିଶ୍ର, ବାଳକ ବିଭାଗରେ ଆର୍ଯ୍ୟନ୍ତ ପ୍ରଖର, ସଞ୍ଜୟ ଓରାମ ଏବଂ ବରିଷ୍ଠ ବାଳିକା ବିଭାଗରେ ତମନ୍ନା ମିଶ୍ର ଓ ବାଳକ ବିଭାଗରେ ଆକାଶ ପୁରଣ ସୁନ୍ଦରଗଡ ଜିଲାକୁ ପ୍ରତିନିଧିତ୍ୱ କରିବେ ବୋଲି ଏସ୍.କୁମାର ସୂଚନା ଦେଇଛନ୍ତି ।

କଳିଙ୍ଗ ୱାରିୟର୍ସ ସଭାପତି ଦୀପକ ତିୱାରୀ ଓ ଉପସଭାପତି ଜୟ ତ୍ରିପାଠୀ କ୍ରୀଡବିତ୍ମାନଙ୍କୁ ଶୁଭେଚ୍ଛା ଜଣାଇବା ସହ ଦଳର ସଫଳତା ପାଇଁ କାମନା କରିଛନ୍ତି ।