ନୂଆଦିଲ୍ଲୀ, ଅକ୍ଟୋବର ୧୨ : ରାଜମାତା ବିଜୟାରୋଜେ ସିନ୍ଧିଆଙ୍କ ଜନ୍ମ ଶତବାର୍ଷିକୀ ସମାରୋହର ସମାପନ ଆଜି ତାଙ୍କର ଜୟନ୍ତୀ ଅବସରରେ ଅନୁଷ୍ଠିତ ହେବ । ଏହାର ମୁଖ୍ୟ କାର୍ଯ୍ୟକ୍ରମ ଦିଲ୍ଲୀରେ ଅନୁଷ୍ଠିତ ହେବ । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୧୦୦ ଟଙ୍କିଆ ମୁଦ୍ରା ଜାରି କରିବେ । ଏହା ବ୍ୟତୀତ ମଧ୍ୟପ୍ରଦେଶରେ ଅନେକଗୁଡ଼ିକ କାର୍ଯ୍ୟକ୍ରମ ଅନୁଷ୍ଠିତ ହେବ ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରବିବାର ଟୁଇଟ କରି ସୂଚନା ଦେଇଛନ୍ତି ଯେ, ଅକ୍ଟୋବର ୧୨ ତାରିଖରେ ରାଜମାତା ବିଜୟାରୋଜେ ସିନ୍ଧିଆଙ୍କ ଜୟନ୍ତୀ । ଏହି ଅବସରରେ ୧୦୦ ଟଙ୍କିଆ ମୁଦ୍ରା ସ୍ମୁତି ଜାରି ହେବ । ଏହା ତାଙ୍କର ଜନ୍ମଶତାବ୍ଦୀର ଅଂଶବିଶେଷ । ତାଙ୍କର ମହାନ ଆତ୍ମାକୁ ଶ୍ରଦ୍ଧାଞ୍ଜଳି ଦେବାକୁ ଏହା ଏକ ବଡ଼ ଅବସର ବୋଲି ମୋଦୀ କହିଛନ୍ତି ।
ବିଜୟାରୋଜେ ସିନ୍ଧିଆଙ୍କ ଝିଅ ଏବଂ ମଧ୍ୟପ୍ରଦେଶର କ୍ୟାବିନେଟ ମନ୍ତ୍ରୀ ଯଶୋଧାରା ରୋଜେ ସିନ୍ଧିଆ ଟୁଇଟ କରି ପ୍ରଧାନମନ୍ତ୍ରୀ ମୋଦୀଙ୍କୁ ଧନ୍ୟବାଦ ଜଣାଇଛନ୍ତି । ସେ ଲେଖିଛନ୍ତି, ଜନସଂଘରେ ତନ-ମନ-ଧନ ଜଡ଼ିତ । ଆଦର୍ଶ ଭାରତୀୟ ରାଷ୍ଟ୍ରବାଦ ଲାଗି ହିମାୟତୀ, କୈଳାଶବାସିନୀ ଶ୍ରୀମନ୍ତ ବିଜୟାରୋଜେସିନ୍ଧିଆଙ୍କ ସ୍ମୁତିରେ ସ୍ମାରକ ମୁଦ୍ରା ଉନ୍ମୋଚନ ଲାଗି ମୋଦୀଙ୍କୁ ଶୁଭେଚ୍ଛା ଜଣାଉଛି ।
Prasanta Patnaik