ଭୁବନେଶ୍ୱର, ଫେବୃଆରୀ ୭ : ରାଜଧାନୀ ଭୁବନେଶ୍ୱରରେ ଚାଞ୍ଚଲ୍ୟ । ଜବତ୍ ହେବାରେ ଲାଗିଛି ଗୋଟିଏ ପରେ ଗୋଟିଏ ମୃତଦେହ । ଗତ ତିନି ଦିନ ତଳେ ଭୁବନେଶ୍ୱରର ଚନ୍ଦକା ଉପକଣ୍ଠ ଦାସପୁର ଅଞ୍ଚଳରୁ ଜଣେ ମହିଳାଙ୍କର ମୁଣ୍ଡ ବିହିନ ମୃତ ଦେହ ଉଦ୍ଧାର କରାଯାଇଥିବା ବେଳେ ଆଜି ପୁଣି ଆଉ ଜଣେ ଯୁବକଙ୍କ ଗଳିତ ଝୁଲନ୍ତା ମୃତ ଦେହ ଉଦ୍ଧାର କରାଯାଇଛି ।
ଘାଟିକିଆ ସ୍ଥିତ ଏକ ସରକାରୀ ଇଞ୍ଜିନିୟରିଂ କଲେଜ ପଛପଟୁ ଆଜି ଏହି ମୃତ ହେଦ ଉଦ୍ଧାର କରିଛି ପୋଲିସ୍ । ତେବେ ଅତି ବିଭତ୍ସ ଭାବେ ଉଦ୍ଧାର କରାଯାଇଥିବା ମୃତ ଦେହଟି ୧୫-୨୦ ଦିନ ତଳର ବୋଲି ଅନୁମାନ କରାଯାଉଛି ।
ଅଞ୍ଚଳଟି ଜଙ୍ଗଲିଆ ହୋଇଥିବାରୁ ମୃତଦେହ ଟିର ଆଣଣ୍ଠୁ ଠାରୁ ତଳ ଅଂଶକୁ ଜଙ୍ଗଲୀ କୁକୁର ମାନେ ଖାଇଦେଇଥିବା ଅନୁମାନ କରାଯାଇଛ । ଅନ୍ୟପଟେ ଏପର୍ଯ୍ୟନ୍ତ ଯୁବକଙ୍କ ପରିଚୟ ମିଳି ପାରିନଥିବା ବେଳେ କମିଶନରେଟ୍ ପୋଲିସ୍ ପାଇଁ ଏହି ଘଟଣା ଆଉ ଏକ ଚ୍ୟାଲେଞ୍ଜ ସୃଷ୍ଟି କରିଛି ।
ଏହି ଭଳି ଭାବରେ ରାଜଧାନୀ ଭୁବନେଶ୍ୱରରେ ଗତ କିଛି ଦିନ ହେବ ଅପରାଧ ବୃଦ୍ଧି ପାଇବାରେ ଲାଗିଛି ଏବଂ ପୋଲିସ୍ ର ପାରିବା ପଣିଆକୁ ସିଧାସଳଖ ଚ୍ୟାଲେଞ୍ଜ କରି ଅପରାଧି ମାନେ ଗୋଟିଏ ପରେ ଗୋଟିଏ ଅପରାଧ ଘଟାଇ ଚାଲୁଛନ୍ତି ।
Prasanta Patnaik