ଆପଣଙ୍କ ସହ ଆସିଲେ ଠିକ୍ ନହେଲେ ସବୁ ଚୋର
କୋଲକାତାରେ ବିରୋଧୀଙ୍କ ମହାସମ୍ମିଳନୀରେ ମମତା ବହୁତ ଉତ୍ସାହିତ ନଜର ଆସିଥିଲେ। ସେ ତାତ୍ସଲ୍ୟଭରା ସ୍ଵରରେ ବିଜେପି ଓ ନରେନ୍ଦ୍ର ମୋଦୀଙ୍କ ଉପରେ ଖୁବ୍ ବର୍ଷିଥିଲେ। ମୋଦୀଙ୍କ ଉପରେ ହମଲା କରି ସେ କହିଛନ୍ତି ଯେ, କାହା ଉପରେ ବ୍ୟକ୍ତିଗତ ଟିପ୍ପଣୀ କରିବା ଆମର ସଂସ୍କୃତି ନୁହେଁ, ମାତ୍ର ଆପଣ ତ କାହାରିକୁ ଛାଡ଼ି ନାହାନ୍ତି। ତେଣୁ ସବୁ ଦଳ ଆପଣଙ୍କୁ କଣ ପାଇଁ ଛାଡ଼ିବେ ? ସେ କହିଛନ୍ତି ଯେ, ଯେବେ ଲୋକ ଆପଣଙ୍କ ସହିତ ଆସିବେ ତେବେ ଠିକ୍, ଯଦି ନ ଆସିବେ ସବୁ ଚୋର।
ମମତା କଲେ ଟାର୍ଗେଟ୍
ସେ କହିଛନ୍ତି ଯେ, ଆପଣ ସମ୍ବିଧାନ ବଦଳାଇ ଦେଉଛନ୍ତି, ଇତିହାସ ବଦଳାଇ ଦେଉଛନ୍ତି, ଭୂଗୋଳ ବଦଳାଇ ଦେଉଛନ୍ତି। ଯେବେ ଆପଣ ସବୁ ବଦଳାଇ ଦେଉଛନ୍ତି ତେବେ କଣ ପାଇଁ ନିଜେ ବଦଳୁ ନାହାନ୍ତି। କିନ୍ତୁ ଏବେ ଆମେ ମୋଦୀ ସରକାର ବଦଳାଇ ଦେବୁ। ମୋଦୀ ସରକାରଙ୍କୁ ଟାର୍ଗେଟ୍ କରି ମମତା କହିଛନ୍ତି ଯେ, ନିର୍ବାଚନ ପୂର୍ବରୁ ସେ ଦୁଇ କୋଟି ଲୋକଙ୍କୁ ରୋଜଗାର ଦେବା କଥା କହିଥିଲେ ମାତ୍ର ଏମାନଙ୍କ କାର୍ଯ୍ୟକାଳରେ କୋଟି କୋଟି ଲୋକ ବେରୋଜଗାର ହୋଇଗଲେ।
Prasanta Patnaik