ମୁମ୍ବାଇରେ ଭୟାବହ ଅଗ୍ନିକାଣ୍ଡ

ମୁମ୍ବାଇ ୨୨/୮ : ମୁମ୍ବାଇରେ ଆଜି ଏକ ଆପାର୍ଟମେଣ୍ଟରେ ଭୟାବହ ଅଗ୍ନିକାଣ୍ଡ ଘଟି ୪ ଜଣଙ୍କ ମୃତ୍ୟୃ ଘଟିଛି ଏବଂ ୨୦ରୁ ଅଧିକ ଆହତ ହୋଇଛନ୍ତି । ମୁମ୍ବାଇର ପରେଲ ସ୍ଥିତ କ୍ରିଷ୍ଟାଲ୍ ରେସିଡେନ୍ସିଆଲ୍ରେ ଆଜି ପ୍ରାୟ ସକାଳ ୮.୩୦ ସମୟରେ ଅଗ୍ନିକାଣ୍ଡ ଘଟିଥିଲା । ଆପାର୍ଟମେଣ୍ଟରେ ୧୦୦ରୁ ଅଧିକ ଲୋକ ପରିବାର ରହୁଥିଲେ । ତେବେ ଏହି ୧୭ ମହଲା ବିଶିଷ୍ଟ ଆପାର୍ଟମେଣ୍ଟରେ ୧୨ ମହଲାରେ ହିଁ ଅଗ୍ନିକାଣ୍ଡ ହୋଇଥିଲା ।

ସଙ୍ଗେସଙ୍ଗେ ନିଆଁ ଓ ଧୂଆଁ ଉପର ମହଲା ସହ ପାଖରେ ଥୁବା ଫ୍ଲାଟରେ ବ୍ୟାପିଯାଇଥିଲା । ଉପଯୁକ୍ତ ଅଗ୍ନି ସୁରକ୍ଷା ବ୍ୟବସ୍ଥା ନ ଥିବାରୁ ଅନେକ ଲୋକ ଫସି ରହିଯାଇଥିଲେ ।
ଅନେକ ସମୟର କସରତ ପରେ ଲୋକଙ୍କୁ ଉଦ୍ଧାର କରାଯାଇଥିଲା । ଅନ୍ୟପଟେ ଅଗ୍ନିଶମ ବିଭାଗକୁ ନିଆଁ ଲିଭାଇବା କାଠିକର ପାଠ ହୋଇଥିଲା । ତେବେ ମୃତକଙ୍କ ମଧ୍ୟରେ ଅଧିକାଂଶ ମହିଳା ଥିବା ଜଣାପଡିଛି । ତ୍ରୁଟିପୂର୍ଣ ଇଲେକ୍ଟ୍ରିକାଲ୍ ବ୍ୟବସ୍ଥା ଯୋଗୁଁ ଏପରି ହୋଇଥିବା ଜଣାପଡିଛି |