ରାଉରକେଲା : ଝିଅର ଇଜ୍ଜତ ସହ ଖେଳିବାକୁ ଉଦ୍ୟମ କରିଥିବା ଯୁବକଙ୍କ ମୁଣ୍ଡକୁ ପଥରରେ ଛେଚି ଦେଇଛନ୍ତି ଜଣେ ମହିଳା। ଯୁବକଙ୍କ ଅବସ୍ଥା ଗୁରୁତର ରହିଛି ଓ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ଏଭଳି ଏକ ଘଟଣା ଘଟିଛି ରାଉରକେଲା ପ୍ଲାଣ୍ଟସାଇଟ୍ ଥାନା ଅଞ୍ଚଳରେ।
ଅଭିଯୋଗ ଅନୁଯାୟୀ, ଗତକାଲି ଜଣେ ନାବାଳିକା ତାଙ୍କ ସାନ ଭଉଣୀ ସହ ଘରେ ଥିଲେ। ଏହି ସମୟରେ ଜଣେ ଯୁବକ ତାଙ୍କ ଘରେ ପଶିଥିଲେ। ଘରେ ଆଉ କେହି ନ ଥିବାର ସୁଯୋଗ ନେଇ ସେ ନାବାଳିକାଙ୍କୁ ଅସଦାଚରଣ କରିବା ସହ ଦୁଷ୍କର୍ମ କରିବାକୁ ଉଦ୍ୟମ କରିଥିଲେ। ୨ ଭଉଣୀଙ୍କ ଚିତ୍କାର ଶୁଣି ସ୍ଥାନୀୟ ଲୋକେ ଜମା ହୋଇଯାଇଥିଲେ। ଫଳରେ ଯୁବକ ଜଣକ ଫେରାର ହୋଇଯାଇଥିଲେ।
ନାବାଳିକାଙ୍କ ମା’ ଘରକୁ ଫେରି ଘଟଣା ସମ୍ପର୍କରେ ଜାଣିବା ପରେ ରାଗ ସମ୍ଭାଳି ପାରି ନଥିଲେ ଏବଂ ସମ୍ପୃକ୍ତ ଯୁବକଙ୍କୁ ଖୋଜିବାକୁ ଯାଇଥିଲେ। ତାଙ୍କୁ ସେ ମାଲ୍ ଗୋଦାମ ଅଞ୍ଚଳରେ ପାଇଥିଲେ। ଯୁବକଙ୍କୁ ସେଠାରେ ଦେଖିବା ମାତ୍ରେ ମହିଳା ଜଣଙ୍କ ଏକ ପଥରରେ ତାଙ୍କ ମୁଣ୍ଡକୁ ଛେଚି ଦେଇଥିଲେ। ଯୁବକ ଜଣଙ୍କ ସଂଜ୍ଞାହୀନ ହୋଇ ପଡ଼ି ଯାଇଥିଲେ। ସ୍ଥାନୀୟ ଲୋକେ ତାଙ୍କୁ ରାଉରକେଲା ସରକାରୀ ହସ୍ପିଟାଲରେ ଭର୍ତ୍ତି କରିଥିଲେ। ତେବେ ଅବସ୍ଥା ଗୁରୁତର ହେବାରୁ ତାଙ୍କୁ ବୁର୍ଲା ସ୍ଥାନାନ୍ତର କରାଯାଇଛି। ଅନ୍ୟପକ୍ଷରେ ନାବାଳିକାଙ୍କ ମା’ ଏନେଇ ପ୍ଲାଣ୍ଟସାଇଟ୍ ଥାନାରେ ଏତଲା ଦେଇଛନ୍ତି। ପୁଲିସ୍ ତାଙ୍କ ଅଭିଯୋଗ ଆଧାରରେ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।
Prasanta Patnaik