ନିଆଳି : ଗତ ତିନି ମାସ ହେଲା ରାସନକାର୍ଡ ପାଇଁ ପଞ୍ଚାୟତ ଓ ବ୍ଲକ କାର୍ଯ୍ୟାଳୟକୁ ଦୌଡି ଦୌଡି ନିରାଶ ହେଲା ପରେ ଆଜି ଜଣେ ମହିଳା ଆତ୍ମହତ୍ୟା ପାଇଁ ଉଦ୍ୟମ କରିଛନ୍ତି। ପୁଣି ତ ବ୍ଲକ୍ କାର୍ଯ୍ୟାଳୟ ଛାତରୁ। କଟକ ଜିଲ୍ଲା ନିଆଳି ବ୍ଲକ୍ ପରିସରରେ ଘଟିଥିବା ଏହି ଘଟଣାକୁ ନେଇ ଆଜି ଦିନତମାମ ଚର୍ଚ୍ଚା ଲାଗି ରହିଛି।
ଏହି ମହିଳା େହଲେ, କଟକ ଜିଲ୍ଲା ନିଆଳି ବ୍ଲକ ଏରଞ୍ଚ ପଞ୍ଚାୟତ ଭାଲିଆକଣ ଗ୍ରାମର ଚିତ୍ତରଂଜନ ମହାରଣାଙ୍କ ପତ୍ନୀ ବବିତା।
ଏଥିରେ ଉତ୍କ୍ଷିପ୍ତ ହୋଇ ବବିତା ନିଜର ଶିଶୁ କନ୍ୟାକୁ ଧରି ଆଜି ବ୍ଲକ କାର୍ଯ୍ୟାଳୟରେ ପହଞ୍ଚି ଯୋଗାଣ ଅଧିକାରୀଙ୍କୁ ଦେଖା କରିଥିଲେ। ତାଙ୍କ କଥାବାର୍ତାରେ ସନ୍ତୁଷ୍ଟ ନହୋଇ ବବିତା ଯୋଗାଣ ଅଧିକାରୀଙ୍କ କାର୍ଯ୍ୟାଳୟ ଛାତ ଉପରେ ଚଢ଼ି ଆତ୍ମହତ୍ୟା କରିବାକୁ ଉଦ୍ୟମ କରିଥିଲେ।
ତେବେ, ନିଭରଣ ପଞ୍ଚାୟତର ପୁରୁଣା ବେତଣ୍ତା ଗ୍ରାମର ପ୍ରମିଳା ସାହୁ, ସସ୍ମିତା ସ୍ବାଇଁ, ରୂପା ମଲ୍ଲିକ, ସୁବାସୀ ବେହେରା, ସ୍ବର୍ଣ୍ଣଲତା ପରିଡ଼ା, ସୀତା ବେହେରା, ଲିପି ନାୟକ ଓ ବିଳାସୁଣୀ ପଞ୍ଚାୟତର ପ୍ରଣଦା ପ୍ରିୟଦର୍ଶିନୀ ବାରିକ୍ ପ୍ରମୁଖ ରାସନକାର୍ଡ ପାଇଁ ଆବେଦନ କରି ନିରାଶ ହୋଇଥିବା ନେଇ ଆଜି ଅଭିଯୋଗ କରିଛନ୍ତି।
Prasanta Patnaik