ରାଉରକେଲା, ୫ା୮(): ସିଭିଲ ଟାଉନସିପ୍ ସ୍ଥିତ ମା’ ଇନ୍ଦିରା ମହିଳା ସମିତି ଆନୁକୂଲ୍ୟରେ ଏକ ବୃକ୍ଷ ରୋପଣ କାର୍ଯ୍ୟକ୍ରମ ମହିଳା ସମିତି ସଭାନେତ୍ରୀ ପୁଷ୍ପା ଲେଙ୍କାଙ୍କ ନେତୃତ୍ୱରେ ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବେ ବିଧାୟକ ଦିଲୀପ ରାୟ ଯୋଗ ଦେଇ ବୃକ୍ଷ ରୋପଣ କରି କାର୍ଯ୍ୟକ୍ରମର ଆରମ୍ଭ କରିଥିଲେ ।
ବିଗତ ବର୍ଷରେ ଅତ୍ୟଧିକ ଗ୍ରୀଷ୍ମ ପ୍ରବହ ଅନୁଭୂତ ହୋଇଥିବାରୁ ବୃକ୍ଷ ରୋପଣ ଓ ଏହାର ରକ୍ଷଣା ବେକ୍ଷଣ କରି ତାପମାତ୍ରା ହ୍ରାସ କରିବାକୁ ପରାମର୍ଶ ଦେଇଥିଲେ । ଏହି କାର୍ଯ୍ୟକ୍ରମ ସ୍ଥାନୀୟ ନିର୍ଭୟା ପାର୍କ ଠାରେ ଏହି କାର୍ଯ୍ୟକ୍ରମ କରାଯାଇଥିଲା ।
ଏହି କାର୍ଯ୍ୟକ୍ରମରେ ସମିତି ଉପଦେଷ୍ଟା ରମେଶ ବଳ, ସଭ୍ୟା ପଙ୍କଜିନି ବେହେରା, ଗୀତା ସାହୁ, ନୀଲମ ସିଂ, ଅନ୍ନପୂର୍ଣ୍ଣା ରାଉତ, ମାନସୀ ବିଶ୍ୱାଳ, ନିଳିମା ସ୍ୱାଇଁ, ଶୋଭା ଦାସ, ମୀନା ସାହୁ, ଲକ୍ଷ୍ମୀ ବାହାଦୁର, ସରିତା ସିଂ, ସୁନୀତା ସିଂ, ପୁଷ୍ପା ଶୁକ୍ଳା, ମହିମା ଦେବୀ ପ୍ରମୁଖ ଯୋଗ ଦେଇ ବହୁ ଉପାଦେୟ ଚାରାମାନ ରୋପଣ କରିଥିଲେ । ସେଠାରେ ଏକ ମଣ୍ଡପ ନିର୍ମାଣ ପାଇଁ ଶ୍ରୀ ରାୟଙ୍କୁ ସମିତି ପକ୍ଷରୁ ଅନୁରୋଧ କରାଯାଇଥିଲା । ଏହି ମଣ୍ଡପ ନିର୍ମାଣ ପାଇଁ ଶ୍ରୀ ରାୟ ନିର୍ଭର ପ୍ରତିଶ୍ରୁତି ପ୍ରଦାନ କରିଛନ୍ତି । (ଫଟୋ ଯାଇଛି)
Prasanta Patnaik