ମାଟ୍ରିକ ପରୀକ୍ଷାର ଶେଷ ଦିନ ବି ଭାଇରାଲ ହେଲା ପ୍ରଶ୍ନପତ୍ର

ଭୁବନେଶ୍ୱର: ଆଜି ଥିଲା ମାଟ୍ରିକ ପରୀକ୍ଷାର ଶେଷ ଦିନ । ଆଜି ବି ପୁଣି ପ୍ରଶ୍ନପତ୍ର ଭାଇରାଲ ହୋଇଥିବା ଅଭିଯୋଗ ହୋଇଛି । ଶୁକ୍ରବାର ସାମାଜିକ ବିଜ୍ଞାନ ପରୀକ୍ଷା ଚାଲିଥିବା ବେଳେ  ବଲାଙ୍ଗିରରେ  ପ୍ରଶ୍ନପତ୍ର ଭାଇରାଲ ହୋଇଥିବା ଖବର ମିଳିଛି ।

ବଲାଙ୍ଗିରର ଦେଓଗାଁରେ ଅ।ଜି ସାମାଜିକ ବିଜ୍ଞାନ ବିଷୟର ପ୍ରଶ୍ନପତ୍ର ଭାଇରାଲ ହୋଇଥିବା କୁହାଯାଉଛି । ପରୀକ୍ଷା ନ ସରୁଣୁ ମୋବାଇଲରୁ ମୋବାଇଲକୁ  ପ୍ରଶ୍ନପତ୍ର ଘୁରି ବୁଲିଥିବାର ଅଭିଯୋଗ ହୋଇଛି।

ଏଠାରେ ସୂଚନାଯୋଗ୍ୟ ଯେ ଆଗରୁ ଗଣିତ ପ୍ରଶ୍ନପତ୍ର ବି ଭାଇରାଲ୍ ହୋଇଥିଲା। ଏହା ଉପରେ ବୋର୍ଡପକ୍ଷରୁ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା। ଏଥର ମାଟ୍ରିକ୍‌ ପରୀକ୍ଷାରେ ଯେଉଁଭଳି ପ୍ରଶ୍ନପତ୍ର ଭାଇରାଲ ହେଲା ଆଗରୁ ସେଭଳି ହୋଇ ନ ଥିଲା ।