ମମତାଙ୍କ ‘ମିମ୍‌’ କରିଥିବା ବିଜେପି ନେତାଙ୍କୁ ମୁକୁଳାଇବାରେ ବିଳମ୍ବ କରିଥିବାରୁ ପଶ୍ଚିମବଙ୍ଗ ସରକାରଙ୍କୁ ସୁପ୍ରିମ୍‌ କୋର୍ଟଙ୍କ ନୋଟିସ୍‌

ନୂଆଦିଲ୍ଲୀ: ବିଜେପି ନେତ୍ରୀ ପ୍ରିୟଙ୍କା ଶର୍ମାଙ୍କ ପିଟିସନ୍‌ ଆଧାରରେ ସୋମବାର ଦିନ ସୁପ୍ରିମ୍‌ କୋର୍ଟ ମମତା ବାନାର୍ଜୀଙ୍କ ପଶ୍ଚିମବଙ୍ଗ ସରକାରଙ୍କୁ ଅଦାଲତ ଅବମାନନା ନୋଟିସ୍‌ ଦେଇଛି। ମୁଖ୍ୟମନ୍ତ୍ରୀଙ୍କ ଉପରେ ‘ମିମ୍‌’ (ଇଣ୍ଟର୍‌ନେଟ୍‌ରେ ବିଦ୍ରୂପାତ୍ମକ ଚିତ୍ର ସେୟାର୍‌ କରିବା) କରିଥିବା ଅଭିଯୋଗରେ ମେ ମାସରେ ଗିରଫ ହୋଇଥିଲେ।

ମେ ୧୪ ତାରିଖ ଦିନ ସୁପ୍ରିମ୍‌ କୋର୍ଟ ଆଦେଶ ଦେବାର ପ୍ରାୟ ୨୪ ଘଣ୍ଟା ପରେ ତାଙ୍କୁ ମୁକ୍ତ କରାଯାଇଥିଲା। ତାଙ୍କୁ ମୁକୁଳାଇବା ପାଇଁ ଆଦେଶ ଦେବା ସମୟରେ ଶୀର୍ଷ ଅଦାଲତ କହିଥିଲେ ଯେ ଭାରତୀୟ ଜନତା ପାର୍ଟି ଯୁବ ମୋର୍ଚ୍ଚାର ନେତ୍ରୀ ପ୍ରିୟଙ୍କା ଶର୍ମା ଗିରଫଦାରି ସ୍ୱେଚ୍ଛାଚାର ମନେହୁଏ।