ମଦ ଓ ବାଇକ୍ ଜବତ, ୫ ଗିରଫ

ରାଉରକେଲା, ୧୦/୯ : ରାଉରକେଲା ଅବକାରୀ ବିଭାଗ ପକ୍ଷରୁ ସେକ୍ଟରର ବିଭିନ୍ନ ଅଞ୍ଚଳରେ ଚଢ଼ଉ କରାଯାଇ ୧୨୦ ଲିଟର ଦେଶୀମଦ ଓ ଗୋଟିଏ ବାଇକ୍ ଜବତ କରାଯାଇଛି । ଏହି ମଦ କାରବାରରେ ସଂପୃକ୍ତ ୫ ଜଣଙ୍କୁ ଗିରଫ କରାଯାଇଛି । ସେକ୍ଟର-୧୪, ୧୮, ଖଇରିବନ୍ଧ ଓ ତୁମକେଲା ଅଞ୍ଚଳରେ କିଛି ବ୍ୟବସାୟୀ ବେଆଇନ ଭାବେ ଦେଶୀମଦ କାରବାର କରୁଥିବା ଖବର ପାଇ ବିଭାଗ ପକ୍ଷରୁ ଏହି ଚଢ଼ଉ କରାଯାଇଥିଲା ।

ଖଇରିବନ୍ଦର ସେନ କୁମ୍ଭାରଙ୍କ ଠାରୁ ୬୧ ଲିଟର ଦେଶୀମଦ, ସେକ୍ଟର ୧୪ ଅଞ୍ଚଳର ମଙ୍ଗଲ ଭୂମିଜଙ୍କଠାରୁ ୩୭ ଲିଟର, ସମ୍ଭାରି ଭୂମିଜଙ୍କ ଠାରୁ ୧୨ ଲିଟର, ତୁମକେଲା ବସ୍ତିର ପିଙ୍କି ଭୂମିଜଙ୍କଠାରୁ ୬ଲିଟର ଓ ସନ୍ଦୀପଆନନ୍ଦ ଟୋପ୍ନୋଙ୍କଠାରୁ ୧୦ ଲିଟର ଦେଶୀମଦ ଓ ବାଇକ୍ (ଓଡ଼ି-୧୪ବି୯୯୩୮) ଜବତ କରାଯାଇଛି । ଏହି ଚଢ଼ଉ ସମୟରେ ଅବକାରୀ ବିଭାଗର ଥାନା ଅଧିକାରୀ ଏସ୍କେ ଧଳସାମନ୍ତ, ଏମ୍କେ ସେଠୀ, ସବ୍ଇନ୍ସପେକ୍ଟର ଏସ୍କେ ରାଉତ, ପିପି ଚୌଧୁରୀଙ୍କ ସହ ସମସ୍ତ ପୁଲିସ କର୍ମଚାରୀ ଉପସ୍ଥିତ ଥିଲେ ।