ଭୁବନେଶ୍ୱର-ପୁରୀ ମଧ୍ୟରେ ଘରୋଇ ବସ୍ ଚଳାଚଳ ବନ୍ଦ, ଯାତ୍ରୀ ହନ୍ତସନ୍ତ

ଭୁବନେଶ୍ୱର-ପୁରୀ ଘରୋଇ ବସ ମାଲିକ ସଂଘ ମଧ୍ୟରେ ବିବାଦ ଦୀର୍ଘଦିନ ଧରି ଚାଲିଥିବାବେଳେ ଆଜି ଏହା ଉଗ୍ରରୂପ ନେଇଛି । ଦୁଇ ସଂଘ ମଧ୍ୟରେ ସମୟ ନିର୍ଘଣ୍ଟ ବିବାଦରୁ ଆଜି ଭୁବନେଶ୍ୱର ଓ ପୁରୀ ମଧ୍ୟରେ ଘରୋଇ ବସ ଚଳାଚଳ ବନ୍ଦ ରହିଛି। ଫଳରେ ଯାତ୍ରୀମାନେ ନାହିଁ ନ ଥିବା ଅସୁବିଧାର ସମ୍ମୁଖୀନ ହୋଇଥିବା ଦେଖାଯାଇଛି ।

ନିୟମିତ ଭାବରେ ଭୁବନେଶ୍ୱରରୁ ୬୫ ଟି ବସ ପୁରୀ ଯାଉଥିବାବେଳେ ପୁରୀରୁ ୭୫ଟି ବସ ଭୁବନେଶ୍ୱର ଓ କଟକ ଯାତାୟାତ କରୁଥିବାବେଳେ ସମୟ ନିର୍ଘଂଟକୁ ନେଇ ଦୁଇ ସଂଘ ମଧ୍ୟରେ ବିବାଦ ଘନୀଭୁତ ହୋଇଛି । ତେବେ ଭୁବନେଶ୍ୱରରୁ କୌଣସି ବସ ପୁରୀକୁ ଯାଉ ନଥିବାବେଳେ ଆଜି ସକାଳୁ ପୁରୀରୁ ଭୁବନେଶ୍ୱର ଆସୁଥିବା ୨ ଟି ଯାତ୍ରିବାହୀ ବସକୁ କଳ୍ପନା ଛକରୁ ପୁରୀକୁ ଫେରାଇ ଦିଆଯାଇଥିବା ଅଭିଯୋଗ ହୋଇଛି।