ଭୁବନେଶ୍ୱର: ଭୁବନେଶ୍ୱରର ଅଧିକାଂଶ କରୋନାଭାଇରସ୍ ଆକ୍ରାନ୍ତ ସୂର୍ଯ୍ୟନଗର ଓ ବମିଖାଲ୍ ଆକ୍ରାନ୍ତଙ୍କ ସହ ସମ୍ପୃକ୍ତ ଥିବା କଥା ଆଜି ଓଡ଼ିଶା ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ କହିଛି ।
H & FW Dept Odisha✔@HFWOdisha
Bhubaneshwar has about 30 active COVID positive cases. Most of them are linked to the first cases confirmed in Surya Nagar and Bomikhal. Almost all cases of Bomikhal are from one family. Both the clusters sealed and put under active surveillance. No need to panic @CMO_Odisha
ଟୁଇଟ୍ କରି ଓଡ଼ିଶା ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଲେଖିଛି ଯେ ଭୁବନେଶ୍ୱରେ ପ୍ରାୟ ୩୦ଟି ସକ୍ରିୟ କୋଭିଡ୍-୧୯ ଆକ୍ରାନ୍ତ ରହିଛନ୍ତି । ସେମାନଙ୍କ ମଧ୍ୟରୁ ଅଧିକାଂଶ ସୂର୍ଯ୍ୟନଗର ଓ ବମିଖାଲର ପ୍ରଥମ ଆକ୍ରାନ୍ତଙ୍କ ସଂସ୍ପର୍ଶରେ ଆସିଛନ୍ତି । ବମିଖାଲର ପ୍ରାୟ ସମସ୍ତ ଆକ୍ରାନ୍ତ ଗୋଟିଏ ପରିବାରର । ଉଭୟ ଅଞ୍ଚଳକୁ ସିଲ୍ କରାଯାଇ ସକ୍ରିୟ ସର୍ଭିଲେନସରେ ରଖାଯାଇଛି । ଭୟଭୀତ ହେବା ଅନାବଶ୍ୟକ ।
H & FW Dept Odisha✔@HFWOdisha
Hon’ble Chief Minister Sri @Naveen_Odisha is closely monitoring the COVID situation in the State. He has directed local administration to arrange basic supplies for people in the containment areas and ensure safety of doctors and front line workers doing house to house surveys.
ଓଡ଼ିଶା ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଅନ୍ୟ ଏକ ଟୁଇଟରେ ଲେଖିଛି ଯେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜ୍ୟର କୋଭିଡ୍ ପରିସ୍ଥିତି ଉପରେ କଡା ନଜର ରଖିଛନ୍ତି । ସଂକ୍ରମଣ ଥିବାରୁ ସିଲ୍ ହୋଇଥିବା ଅଞ୍ଚଳବାସୀଙ୍କ ପାଇଁ ମୌଳିକ ଆବଶ୍ୟକତା ଯୋଗାଇ ଦେବାକୁ ସେ ସ୍ଥାନୀୟ ପ୍ରଶାସନକୁ ନିର୍ଦେଶ ଦେଇଛନ୍ତି । ଏହାଛଡ଼ା ଘର ଘର ବୁଲି ସର୍ଭେ କରୁଥିବା ଡାକ୍ତର ଓ ସରକାରୀ କର୍ମଚାରୀଙ୍କ ସୁରକ୍ଷା ବ୍ୟବସ୍ଥା ଉପରେ ଗୁରୁତ୍ବ ଆରୋପ କରିବାକୁ କହିଛନ୍ତି।
ରବିବାର ରାତିରେ ଭୁବନେଶ୍ବରର ବମିଖାଲ୍ ଅଞ୍ଚଳରୁ ଏକାବେଳେକେ ୧୫ ଜଣ କରୋନା ଆକ୍ରାନ୍ତ ଚିହ୍ନଟ ହେବା ପରେ ମାତ୍ର ୩ ଦିନ ମଧ୍ୟରେ ଏଠାରୁ ୧୯ ଜଣ ଆକ୍ରାନ୍ତ ସାମ୍ନାକୁ ଆସିଛନ୍ତି। ଏହି ଘଟଣା ସମଗ୍ର ରାଜ୍ୟରେ ଚାଞ୍ଚଲ୍ୟ ଖେଳାଇ ଦେଇଛି। ଏଥିସହ ରାଜଧାନୀ ସହରର ଏହା କରୋନା ହଟସ୍ପଟ୍ ପାଲଟି ଯାଇଛି।
୩ ତାରିଖ ରାତିରେ ବମିଖାଲରୁ ୩ ଜଣ କରୋନା ପଜିଟିଭ ଚିହ୍ନଟ ହୋଇଥିଲେ । ପୁଣି ଏହି ୩ ଜଣ ଗୋଟିଏ ପରିବାରର ବୋଲି ଜଣାପଡ଼ିଥିଲା। ଗତକାଲି ଏହି ୩ ଜଣଙ୍କର ଗସ୍ତ ବିବରଣୀ ଦେଇ ବିଏମସି କମିସନର କରିଥିଲେ ଯେ ଜଣେ କରୋନା ଆକ୍ରାନ୍ତଙ୍କ ବାପା ମଧ୍ୟପ୍ରଦେଶର ରାଜଧାନୀ ଭୋପାଳ ଯାଇଥିଲେ। ସେଠାରୁ ସେ ସଂକ୍ରମିତ ହୋଇ ଆସିଥାଇ ପାରନ୍ତି।
Prasanta Patnaik