ବ୍ଲକ୍ କଂଗ୍ରେସ-୩ର ବୈଠକ

ରାଉରକେଲା, ୧୧/୭  : ଆଜି ପୂର୍ବାହ୍ନ ୧୧ ଘଟିକା ସମୟରେ ମହଜିଦ୍ ଗଳି ଠାରେ ଏକ ବୈଠକ ବ୍ଲକ ସଭାପତି ସୁନିଲ ପଟ୍ଟନାୟକଙ୍କର ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ବ୍ଲକ କଂଗ୍ରେସକୁ ସୁଦୃଢ଼ କରିବା ପାଇଁ ପ୍ରଦେଶ କଂଗ୍ରେସ କମିଟି ସଭାପତି ନିରଞ୍ଜନ ପଟ୍ଟନାୟକ ଦେଇଥିବା ନିର୍ଦ୍ଦେଶ ମୁତାବକ ବ୍ଲକ କଂଗ୍ରେସ କମିଟି ଓ ବୁଥ୍ କଂଗ୍ରେସ କମିଟି ତୁରନ୍ତ ଗଠନ କରି ତୃଣମୂଳ ସ୍ତରରେ କଂଗ୍ରେସ ଦଳକୁ ଶକ୍ତିଶାଳି କରାଇ ଆଗାମୀ ମହାନଗରନିଗମ ନିର୍ବାଚନ ଓ ସାଧାରଣ ନିର୍ବାଚନରେ କଂଗ୍ରେସ ପାର୍ଥୀମାନଙ୍କୁ କିଭଳି ଭାବେ ବିଜୟି କରାଯିବ ସେ ବିଷୟରେ ଉପସ୍ଥିତ ବରିଷ୍ଠ ନେତୃବୃନ୍ଦ ବିଶଦ ଆଲୋଚନା କରିଥିଲେ ଏବଂ ଏଭଳି ଏକ ଘଡ଼ିସନ୍ଧି ମୁହୂର୍ତ୍ତରେ ସମସ୍ତେ ଭେଦ ଭାବ ଭୁଲି ଏକତ୍ରିତ ହୋଇ କାର୍ଯ୍ୟ କରିବା ପାଇଁ ନିଷ୍ପତି ନିଆଯାଇଥିଲା ।

ଏହି ବୈଠକରେ ପିସିସି ସଭ୍ୟ ଏମ.ଡ଼ି ମୟୁଦ୍ଦିନ୍, ରାମାନନ୍ଦ ଶ୍ରୀଚନ୍ଦନ, ଦେବବ୍ରତ ବିହାରି, ସାଧାରଣ ସମ୍ପାଦକ ଇଜାଜ ଅକ୍ତର, ଏମ.ଡ଼ି ସଜାଦ୍, ବରିଷ୍ଠ ନେତା ଅବ୍ଦୁଲ କୟୁମ, ଏମ.ଡ଼ି ହସନଦ୍, ଏମ.ଡ଼ି ଫିରୋଜ ଅକ୍ତର, ଫିରୋଜ ଖାନ୍, ଆୟୁବ ଖାନ୍, ଶେଖ୍ ଫିରଦୋସ୍, ସଞ୍ଜୟ ଠାକୁର, ରାଜୁ ଦାସ, ଓମିୟ ଜାଦବ୍, ଏମ.ଡ଼ି ନଆଜ୍ ଅହମଦ୍ଦ୍, ମହମଦ୍ଦ୍ ସାହିଦ୍, ଲାଦେନ୍ ସାହିଦ୍ ଖୁରେସି, ମହମଦ୍ଦ କାଜିମ୍, ମହମଦ୍ଦ୍ ତାକି, ମହମଦ୍ଦ୍ ଲାଲ, ଆଜାଦ୍ ନୱାଜ୍, ମହମଦ୍ଦ୍ ତାହିର, ଆବୁଲ ହସନ, ମହମଦ୍ଦ୍ ସଦାବ୍, ବିଜୟ ଶଂକର ପୁରେହିତ ପ୍ରମୁଖ ଉପସ୍ଥିତ ରହି ଆଲୋଚନାରେ ଅଂଶ ଗ୍ରହଣ କରିଥିଲେ ।