ବୋଲେରୋ ଧକ୍କାରେ ଯୁବକ ଆହତ

ରାଉରକେଲା, ୧୧/୮ () : ବନ୍ଧମୁଣ୍ଡା ଫଟାପାଇପ ନିକଟରେ ଏକ ବୋଲେରୋ ଦୁର୍ଘଟଣାରେ ଜଣେ ଯୁବକ ଗୁରୁତର ଆହତ ହୋଇଛନ୍ତି । ସୂଚନା ଅନୁଯାୟୀ ବିଶ୍ରାଥାନା ଅନ୍ତର୍ଗତ ଖଟାଲ ବସ୍ତିରେ ରହୁଥିବା ସୋନା ତିର୍କୀ (୩୨) ଗୁରୁତର ହୋଇଛନ୍ତି । ସୋନା ନିଜ ବାଇକ୍ ନମ୍ବର ଓଆର୧୪ସି୩୨୪୬ ଯୋଗେ କୌଣସି କାମପାଇଁ ରାଉକେଲା ଅଭିମୁଖେ ଆସୁଥିଲେ ।

ବନ୍ଧମୁଣ୍ଡା ଫଟାପାଇପ ନିକଟରେ ତାଙ୍କ ପଛପଟୁ ଏକ ବୋଲରୋ ଧକ୍କାଦେଇ ଫେରାର ହୋଇଯାଇଥିଲା । ଫଳରେ ସେ ରାସ୍ତା ଉପରେ ଛିଟିକି ପଡ଼ିଥିଲେ । ତାଙ୍କ ମୁଣ୍ଡ ଓ ବାମଗୋଡ଼ରେ ଗଭୀର ଆଘାତ ଲାଗିଥିଲା । ପୁଲିସ ସହାୟତା ଗାଡ଼ି ତାଙ୍କୁ ଉଦ୍ଧାର କରି ପ୍ରଥମେ ଆର୍ଜିଏଚ୍ ଓ ପରେ ଆଇଜିଏଚ୍ରେ ଚିକିତ୍ସା ପାଇଁ ଭର୍ତ୍ତି କରିଥିଲା । ସୋନା ବର୍ତ୍ତମାନ ଚିକିତ୍ସାଧିନ ଅଛନ୍ତି ଓ ତାଙ୍କ ସ୍ୱାସ୍ଥ୍ୟାବସ୍ଥାରେ ଉନ୍ନତି ପରିଲକ୍ଷିତ ହେଉଛି ।