ବେଙ୍ଗଲୁରୁ: କର୍ଣ୍ଣାଟକର ରାଜ୍ୟପାଳ ବିରାଡ଼ିମାନଙ୍କ ଉତ୍ପାତକୁ ନେଇ ବ୍ୟତିବ୍ୟସ୍ତ ହୋଇ ଉଠିଛନ୍ତି। ଏପରିକି ରାଜଭବନରେ କାର୍ଯ୍ୟରତ କର୍ମଚାରୀମାନେ ବି ବ୍ୟତିବ୍ୟସ୍ତ ହୋଇଉଠିଛନ୍ତି। କୁହାଯାଉଛି ଯେ ଏବେ କର୍ଣ୍ଣାଟକ ରାଜଭବନରେ ପ୍ରାୟ ୩୦ଟି ବିରାଡ଼ି ଅଛନ୍ତି। ଏମାନଙ୍କୁ ରାଜଭବନରୁ ବିଦା କରିବା ଲାଗି କର୍ମଚାରୀମାନେ ଯେତେ ଚେଷ୍ଟା କଲେ ବି ବିଫଳ ହେବା ପରେ ଅବଶେଷରେ ବେଙ୍ଗଲୁରୁ ନଗର ନିଗମର ସହାୟତା ଲୋଡିଲେ କର୍ଣ୍ଣାଟକର ରାଜ୍ୟପାଳ । ଏହାପରେ ବେଙ୍ଗଲୁରୁ ନଗର ନିଗମ ଏକ ବେସରକାରୀ ସଂସ୍ଥାକୁ ବିରାଡିମାନଙ୍କୁ ଧରିବାର ଠିକା ଦେଇଥିବା ଜଣାଯାଇଛି। ଏଥିପାଇଁ ୧ ଲକ୍ଷ ଟଙ୍କାକୁ ସଂସ୍ଥାକୁ ଦିଆଯିବ। ମହାନଗର ପାଳିକାର କମିସନର୍‌ ଏ ମଂଜୁନାଥ ପ୍ରସାଦ କହିଛନ୍ତି ଯେ ଯଦି ବିରାଡିମାନଙ୍କୁ ଧରିବା ଲାଗି ଅଧିକ ଟଙ୍କା ଲାଗିବ,ତେବେ ଟେଣ୍ଡର ବାତିଲ କରାଯାଇ ନୂଆ ଠିକା ବ୍ୟବସ୍ଥା କରାଯିବ।ମିଳିଥିବା ସୂଚନା ଅନୁଯାୟୀ ଏହି କାମଲାଗି ସଂସ୍ଥା ପ୍ରାୟ ଏକ ମାସ ସମୟ ନେବ। କେବେ ବିରାଡ଼ିମାନଙ୍କୁ ଧରାଯାଉଛି ଏବଂ କର୍ଣ୍ଣାଟକର ରାଜ୍ୟପାଳଙ୍କ ମୁଣ୍ଡବଥା କମୁଛି , ତାହା ଦେଖିବାକୁ ବାକି ରହିଲା।

ଯଦି କେହି କାଲି ଆପଣଙ୍କୁ ଓଜନ କମ୍‌ କରିବାକୁ କହେ,ତେବେ ଆପଣଙ୍କୁ ଦୌଡିବାକୁ ,ଜଗିଂ କରିବାକୁ,ବ୍ୟାୟାମ କରିବାକୁ ବା ଡାଏଟିଂ କରିବାକୁ ପରାମର୍ଶ ମିଳିବ। କିନ୍ତୁ ଆପଣ କ’ଣ ଜାଣନ୍ତି ଯେ ଶୋଇ ଶୋଇ ବି ଓଜନ କମ୍‌ କରି ହେବ। ଆମେ ଯେତେବେଳେ ଶୋଇଥାଉ,ସେତେବେଳେ ଶରୀର ସଂପୂର୍ଣ୍ଣ ରୂପେ ମରାମତି ହୋଇଥାଏ।ଯେଉଁମାନେ ଠିକ୍‌ ଭାବେ ଶୋଇ ନ ଥାନ୍ତି,ସେମାନଙ୍କ ଶରୀରର ଅବସ୍ଥା ସଂପୂର୍ଣ୍ଣ ବଦଳିଯାଇଥାଏ।

ନିକଟରେ ଆମେରିକାନ୍‌ ଜର୍ଣ୍ଣାଲ୍‌ ଅଫ୍‌ କ୍ଲିନିକାଲ୍‌ ନ୍ୟୁଟ୍ରିସନ୍‌ରେ ପ୍ରକାଶିତ ରିପୋର୍ଟ ଅନୁଯାୟୀ ଯେଉଁମାନେ ଭଲଭାବେ ଶୋଇଥାନ୍ତି, ସେମାନଙ୍କର କମ୍‌ ଶୋଉଥିବା ଲୋକଙ୍କ ତୁଳନାରେ ୨୦ ପ୍ରତିଶତ ଅଧିକ କ୍ୟାଲୋରି ବର୍ଣ୍ଣ ହୋଇଥାଏ।ଏହି ଗବେଷଣାରେ ଆହୁରି ମଧ୍ୟ କୁହାଯାଇଛି ଯେ,ଯଦି ଆପଣ ନିର୍ବସ୍ତ୍ର ହୋଇ ଶୁଅନ୍ତି, ତେବେ ଆପଣଙ୍କ ଶରୀର ଥଣ୍ଡା ରହିଥାଏ। ଏହା ଫ୍ୟାଟ୍‌ ବର୍ଣ୍ଣ କରି ଦେଇଥାଏ ଏବଂ ଏହା ଫଳରେ ଓଜନ ହ୍ରାସ ପାଇବାର ସମ୍ଭାବନା ଅଧିକ ହୋଇଥାଏ।

ଯଦି ଆପଣ ପତଳା ହେବାକୁ ଚାହାଁନ୍ତି ବା ନିଜର ଓଜନ୍‌  କମ୍‌ କରିବାକୁ ଚାହାଁନ୍ତି, ତେବେ ଶୀଘ୍ର ଶୋଇ ଯାଆନ୍ତୁ ଓ  ବିଳମ୍ବିତ ରାତ୍ରିରେ ଭୋଜନ କରିବାରୁ ନିବୃତ୍ତ ହୁଅନ୍ତୁ।