ରାଉରକେଲା, ୨୬ା୧୦ : ବିଶ୍ରାଥାନା ପରିସରରେ ଆମ ପୁଲିସ ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ଥାନାଧିକାରୀ ବିକାଶ ସ୍ୱାଇଁଙ୍କ ଅଧ୍ୟକ୍ଷତା କରିଥିଲେ । ବୈଠକରେ ସ୍ଥାନୀୟ ଅଞ୍ଚଳର ବହୁ ବୁଦ୍ଧିଜୀବୀ ଓ ସମାଜସେବୀ ଉପସ୍ଥିତ ରହି ବିଭିନ୍ନ ପ୍ରସଙ୍ଗରେ ହୋଇଥିବା ଆଲୋଚନାରେ ଅଂଶଗ୍ରହଣ କରିଥିଲେ । ବିଶେଷ କରି ପୁଲିସ୍ ଓ ସ୍ଥାନୀୟ ଅଞ୍ଚଳବାସୀଙ୍କ ମଧ୍ୟରେ ସୁସମ୍ପର୍କ ସ୍ଥାପନ ସହ କିଭଳି ବିଭିନ୍ନ ଅପରାଧମୂଳକ କାର୍ଯ୍ୟକୁ ରୋକାଯାଇ ପାରିବ ସେ ନେଇ ବିଶଦ୍ ଭାବେ ଆଲୋଚନା କରାଯାଇଥିଲା ।
ବର୍ତ୍ତମାନ ପୂଜା ଉତ୍ସବ ଥିବାରୁ ଶାନ୍ତି ଶୃଙ୍ଖଳା ସହିତ ଏହାର ପାଳନ କରାଯିବା ନେଇ ଥାନାଧିକାରୀଙ୍କୁ ସ୍ଥାନୀୟ ଜନସାଧାରଣ ନିଜ ନିଜର ମତବ୍ୟକ୍ତ କରିଥିଲେ । ତେବେ ରାତିରେ ପୁଲିସ୍ ପକ୍ଷରୁ ରାତ୍ରୀକାଳୀନ ପାଟ୍ରୋଲିଂ ବ୍ୟବସ୍ଥାକୁ କଡ଼ାକଡ଼ି କରିବାକୁ ସ୍ଥାନୀୟ ଅଧିବାସୀମାନେ ଦାବି କରିଥିଲେ । ଅନ୍ୟମାନଙ୍କ ମଧ୍ୟରେ ପ୍ରଦୀପ କୁମାର ରାଉତରାୟ, ସୂର୍ଯ୍ୟ ମାହାତୋ, ଏମ୍ଡି ମୁକ୍ତାର, ଶ୍ରୀନିବାସ ଭୂୟାଁ, ଦୀପକ ତିୱାରୀ ପ୍ରମୁଖ ଉପସ୍ଥିତ ଥିଲେ ।
Prasanta Patnaik