ବିଜେପିକୁ ଫେରିଲେ ପୂର୍ବତନ ସାଂସଦ ତଥା ଉତ୍କଳ ଭାରତର ସଭାପତି ଖାରବେଳ ସ୍ୱାଇଁ, କନ୍ଧମାଳରୁ ଭାଜପା ଟିକେଟରେ ଲୋକସଭା ନିର୍ବାଚନ ଲଢ଼ିବେ

ଭୁବନେଶ୍ୱର: ଉତ୍କଳ ଭାରତର ସଭାପତି ତଥା ପୂର୍ବତନ ସାଂସଦ ଖାରବେଳ ସ୍ୱାଇଁ ଆଜି ବିଧିବଦ୍ଧଭାବେ ଭାରତୀୟ ଜନତାପାର୍ଟିରେ ଯୋଗ ଦେଲେ । ସେ ଏହି ଅବସରରେ କହିଥିଲେ ଯେ ବିଜେଡିକୁ କ୍ଷମତାରୁ ହଟାଇବାଲାଗି ସେ ଭାଜପାରେ ଯୋଗ ଦେଇଛନ୍ତି। ଖାଲି ସେତିକି ନୁହେଁ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଆକୃଷ୍ଟ ହୋଇ ସେ ଭାଜପାରେ ଯୋଗ ଦେଇଛନ୍ତି ବୋଲି କହିଛନ୍ତି । ସେ ଏହି ଅବସରରେ କନ୍ଧମାଳରୁ ଭାଜପା ଟିକେଟରେ ଲୋକସଭା ନିର୍ବାଚନ ଲଢ଼ିବେ ବୋଲି ଘୋଷଣା କରିଛନ୍ତି।

ଖାରବେଳ ସ୍ୱାଇଁ ଭାରତୀୟ ଜନତା ପାର୍ଟି ଟିକେଟରେ ଦୁଇ ଥର ଲୋକସଭାକୁ ନିର୍ବାଚିତ ହୋଇଥିଲେ। । ରାଜ୍ୟ ବିଜେପି କାର୍ଯ୍ୟାଳୟରେ ମିଶ୍ରଣ ପର୍ବରେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଉପସ୍ଥିତିରେ ସେ ବିଜେପିରେ ସାମିଲ ହୋଇଛନ୍ତି। ଧର୍ମେନ୍ଦ୍ର ପ୍ରଧାନ ତାଙ୍କୁ ବିଜେପିର ସଦସ୍ୟତା ଦେଇଛନ୍ତି।

ଏହା ପୂର୍ବରୁ ବିଧାୟକ ଡାକ୍ତର ଦାମୋଦର ରାଉତ, ପୂର୍ବତନ ସାଂସଦ ବୈଜୟନ୍ତ ପଣ୍ଡା ଓ ବିଧାୟକ ପ୍ରକାଶ ବେହେରା ମଧ୍ୟ ବିଜେପିରେ ମିଶିଥିଲେ।