ବାରିପଦା ରାସଗୋବିନ୍ଦପୁର ରେଂଜ ଅନ୍ତର୍ଗତ ଚିତ୍ରଡ଼ା ଓ ବାଘଝରଣରେ ପ୍ରାୟ ୭୦ଟି ହାତୀ ପଲ ଉପଦ୍ରବ କରୁଛନ୍ତି । ବ୍ୟାପକ ଫସଲ ନଷ୍ଟ କରିଛନ୍ତି । ଏକକାଳୀନ ଏତେ ସଂଖ୍ୟକ ହାତୀଙ୍କୁ ଦେଖି ସ୍ଥାନୀୟ ଲୋକମାନେ ଆତଙ୍କିତ ହୋଇପଡ଼ିଛନ୍ତି । ଏହା ସହିତ ସରାଶୋଳାରେ ନାରାୟଣ ଟୁଡୁ ନାମକ ଜଣେ ଚାଷୀ ଆହତ ହୋଇଛନ୍ତି । ଧାନ ଜଗିବାକୁ ଯାଇଥିବାବେଳେ ରାତିରେ ହାତୀ ଆକ୍ରମଣର ଶୀକାର ହୋଇଥିଲେ । ତାଙ୍କୁ ଗୁରୁତର ଅବସ୍ଥାରେ ବାରିପଦା ମେଡ଼ିକାଲରେ ଭର୍ତ୍ତି କରାଯାଇଛି । ତେବେ ବିନ ବିଭାଗ ପହଁଚି ହାତୀଙ୍କୁ ଘଉଡ଼ାଇବାକୁ ଉଦ୍ୟମ ଜାରି ରଖିଛି ।
ସେହିପରି କଟକ ଆଠଗଡ଼ ଖୁଣ୍ଟୁଣୀ ରେଂଜ ବଉଳ ଓ ସାରକୋଳି ରାସ୍ତା ଉପରକୁ ହାତୀ ପଲ ଚାଲି ଆସିଛନ୍ତି । ହାତୀମାନେ ରାସ୍ତା ଉପରେ ଚଳପ୍ରଚଳ କରୁଛନ୍ତି । ଫଳରେ ସେହି ରାସ୍ତାରେ ଯାତାୟତ ବାଧାପ୍ରାପ୍ତ ହୋଇଛି । ବନ ବିଭାଗ ଟିମ୍ ପହଁଚି ଘଉଡ଼ାଇବାକୁ ଉଦ୍ୟମ କରିଛନ୍ତି ।
ଏଠାରେ ଉଲ୍ଲେଖ ଯୋଗ୍ୟ, ଗତ କିଛି ଦିନ ତଳେ ବାଲେଶ୍ୱର ନୀଳଗିରି ଅଂଚଳକୁ ୩୦ରୁ ଉର୍ଦ୍ଧ୍ୱ ହାତୀ ପଲ ପଶି ଆସିଥିଲେ ଏବଂ ବ୍ୟାପକ ଫସଲ ନଷ୍ଟ କରିଥିଲେ ।
Prasanta Patnaik