ବାପା ମୁଲାୟମ୍‌ଙ୍କ ଆଜମଗଡ଼ ଆସନରୁ ଲଢ଼ିବେ ଅଖିଳେଶ ଯାଦବ

ଲକ୍ଷ୍ନୌ: ଏପ୍ରିଲ୍‌-ମେ ମାସରେ ହେବାକୁ ଯାଉଥିବା ଲୋକସଭା ନିର୍ବାଚନରେ ସମାଜବାଦୀ ପାର୍ଟିର ମୁଖ୍ୟ ଅଖିଳେଶ ଯାଦବ ଆଜମଗଡ଼ରୁ ପ୍ରତିଦ୍ୱନ୍ଦ୍ୱିତା କରିବେ। ସମ୍ପ୍ରତି ଆଜମଗଡ଼ର ସାଂସଦ ଅଛନ୍ତି ଅଖିଳେଶଙ୍କ ବାପା ମୁଲାୟମ୍‌ ସିଂହ ଯାଦବ।

ରବିବାର ଦିନ ଦଳ ତା’ର ଟୁଇଟର୍‌ ହ୍ୟାଣ୍ଡେଲ୍‌ରେ ପ୍ରକାଶ କରିଥିବା ଦୁଇଜଣିଆ ପ୍ରାର୍ଥୀ ତାଲିକାରେ ଏ କଥା ଜଣାପଡ଼ିଛି। ରାମପୁର ଆସନରୁ ଦଳ ଆଜମ୍‌ ଖାଁଙ୍କୁ ପ୍ରାର୍ଥୀ କରାଇଥିବା କଥା ଟୁଇଟର୍‌ରେ ଉଲ୍ଲେଖ ରହିଛି।

ଅଖିଳେଶ ପ୍ରତିଦ୍ୱନ୍ଦ୍ୱିତା କରିବାକୁ ଯାଉଥିବା ଆଜମଗଡ଼ ଆସନରୁ ସମାଜବାଦୀ ପାର୍ଟି ସହଜରେ ନିର୍ବାଚନ ଜିଣିପାରେ।