152 Views
ରାଉରକେଲା, ୩୦ା୧୧ : ପ୍ଲାଣ୍ଟ୍ସାଇଟ୍ ଥାନା ଅନ୍ତର୍ଗତ ବଣିଆଗେଟ ଛକରେ ଏକ ସଡ଼କ ଦୁର୍ଘଟଣାରେ ବନ୍ଧୁମୁଣ୍ଡା ତିଲକାନଗର ଅଞ୍ଚଳର ପଞ୍ଚାନନ ପଣ୍ଡା(୭୦)ଙ୍କ ମୃତ୍ୟୁ ହୋଇଯାଇଛି । ପଞ୍ଚାନନ ରାଉରକେଲା ଅଞ୍ଚଳରେ ପୂଜାପାଠ କରି ପରିବାର ଭରଣପୋଷଣ କରୁଥିଲେ । ମଙ୍ଗଳବାର ସନ୍ଧ୍ୟାରେ ପଞ୍ଚାନନ ପାୱାରହାଉସ୍ ରୋଡ୍ ଅଞ୍ଚଳରୁ ସାଇକେଲ ଯୋଗେ ଘରକୁ ଫେରୁଥିବା ବେଳେ ବଣିଆଗେଟ୍ ନିକଟରେ ତାଙ୍କୁ ପଛପଟୁ ଏକ ବାଇକ ଧକ୍କାଦେଇ ଥିଲା । ଫଳରେ ସେ ରାସ୍ତା ଉପରେ ଛିଟିକି ପଡ଼ିଥିଲେ ।
ତାଙ୍କ ମୁଣ୍ଡ ଓ ଛାତିରେ ଗଭୀର ଆଘାତ ଲାଗିଥିଲା । ଗୁରୁତର ଅବସ୍ଥାରେ ତାଙ୍କୁ ପିସିଆର ଭ୍ୟାନ ସହାୟତାରେ ଆର୍ଜିଏଚ୍ରେ ଭର୍ତ୍ତି କରାଯାଇଥିଲା । ତେବେ ଚିକିତ୍ସିତ ଅବସ୍ଥାରେ ରାତିରେ ପଞ୍ଚାନନଙ୍କ ପ୍ରାଣବାୟୁ ଉଡ଼ିଯାଇଥିଲା । ସମ୍ପୃକ୍ତ ବାଇକ ଚାଳକ କୈଳାସ ଚନ୍ଦ୍ର ଦାସଙ୍କୁ ଶକ୍ତିନଗର ପ୍ଲଟନଂ-୨୦୯ରୁ ପୁଲିସ୍ ଉଠାଇଆଣି ଥାନାରେ ଅଟକ ରଖିଥିବା ଜଣାପଡ଼ିଛି ।