ନୂଆଦିଲ୍ଲୀ, ନଭେମ୍ବର ୨୨ : ଦକ୍ଷିଣ ଦିଲ୍ଲୀ ଦେଇ ଯାଉଥିବା ଏକ କଲଷ୍ଟର ବସରେ ୨୬ ବର୍ଷୀୟ ମହିଳା ସାମ୍ବାଦିକ ତାଙ୍କ ସମ୍ମୁଖରେ କଥିତ ଭାବରେ ହସ୍ତମୈଥୁନ କରିଥିବା ମଦ୍ୟପ ବ୍ୟକ୍ତିକୁ ନିସ୍ତୁକ ମାଡ଼ମାରିଛନ୍ତି । ସୂଚନା ପାଇ ପୋଲିସ ଘଟଣାସ୍ଥଳରେ ପହଞ୍ଚି ଯୁବକକୁ ଗିରିଫ କରିଛି । ପୋଲିସ କହିଛି ଏହି ଘଟଣା ମଙ୍ଗଳବାର ସନ୍ଧ୍ୟାରେ ହୋଇଥିଲା । ଯୁବତୀ ନିଜ ଅଫିସ କାମ ଶେଷ କରି ସଙ୍ଗମ ବିହାରସ୍ଥିତ ନିଜ ଘରକୁ ବସରେ ଫେରୁଥିଲେ । ଏହି ସମୟରେ ଜଣେ ମହିଳାଙ୍କ ସମ୍ମୁଖରେ ମଦପିଇ ଜଣେ ଯୁବକ ଚଳନ୍ତା ବସରେ ହସ୍ତମୈଥୁନ କରିଥିଲା ।
ଚଳିତ ବର୍ଷ ଫେବୃୟାରୀ ୭ରେ ମଧ୍ୟ ଏଭଳି ଘଟଣା ଘଟିଥିଲା । ଜଣେ ବ୍ୟକ୍ତି ରୁଟ ୭୭୪ ନମ୍ବରରେ ମହିଳା ସିଟରେ ବସି ହସ୍ତମୈଥୁନ କରିଥିଲା । ଅଭିଯୋଗରେ ପୋଲିସ ଶହାଦରା ନିବାସୀ ବିପିନକୁ ଗିରଫ କରିଥିଲା ।ପୋଲିସ ଉପାୟୁକ୍ତ ବିଜୟ କୁମାର କହିଛନ୍ତି, ମହିଳାଙ୍କ ଅଭିଯୋଗ କ୍ରମେ ମାମଲା ରୁଜୁ କରି ପୋଲିସ ଅଭିଯୁକ୍ତ ମୁକେଶ ରଂଜନ କୁମାର (୩୯)ଙ୍କୁ ଗିରଫ କରିଛି ।
ଅଭିଯୋଗରେ ମହିଳା ଜଣକ କହିଛନ୍ତି ଯେ, ଅଫିସ କାମ ଶେଷ କରି ସେ ରାତି ୮ଟା ୩୦ରେ କାପସହେଡା ଠାରୁ ବସନ୍ତକୁଞ୍ଜ ଯିବା ପାଇଁ ବସରେ ଚଢ଼ିଥିଲେ । କିଛି ସମୟ ପରେ ମହିପାଲପୁର ଠାରୁ ଜଣେ ବ୍ୟକ୍ତି ବସରେ ଚଢ଼ିଥିଲା । ୮ଟା ୪୫ରେ ବ୍ୟକ୍ତି ଜଣଙ୍କ ମୋପାଖକୁ ଆସି ଛିଡା ହେଲା ଏବଂ ଅଭଦ୍ର ଆଚରଣ କରିଥିଲା୧ । ଅଭିଯୁକ୍ତ ମୋ ଶରୀରରେ ହାତ ଦେଇଥିଲା ।
ସେ ମୋତେ ଟଣା ଓଟରା କରିବାକୁ ଉଦ୍ୟମ କରିଥିଲା ବୋଲି ମହିଳା ଜଣକ ଅଭିଯୋଗ କରିଛନ୍ତି । ଏହା ପରେ ବି ବସରେ ମୋତେ କେହି ସାହାଯ୍ୟ କରି ନଥିଲେ । ଅଭିଯୁକ୍ତ ଯେତେବେଳ ବସରୁ ବାହାରିଯିବାକୁ ଚେଷ୍ଟା କରିଥିଲା, ତାକୁ ମୁଁ ଧରି ପକାଇଥିଲି । ସିଟରେ ବସାଇ ଚପଲରେ ପିଟିଛି । ମୁଁ ପ୍ରତିଦିନ ବସରେ ଯିବା ଆସିବା କରିଥାଏ, ମାତ୍ର ପ୍ରଥମ ଥର ଏଭଳି ଘଟଣାର ଶିକାର ହୋଇଛି ।
Prasanta Patnaik