ବଲାଙ୍ଗୀର, ନୂଆପଡ଼ା ଓ କଳାହାଣ୍ଡି ଜିଲ୍ଲା ଗସ୍ତରେ ପୋଲିସ ଡିଜି ଅଭୟ, କୋଭିଡ୍ ସ୍ଥିତି ନେଇ କରୁଛନ୍ତି ସମୀକ୍ଷା

ଭୁବନେଶ୍ୱର, ଏପ୍ରିଲ 21 : ରାଜ୍ୟରେ ଭୟଙ୍କର ହେଉଛି କୋଭିଡ୍ ସ୍ଥିତି  । ସ୍ଥିତି ସମୀକ୍ଷା ନେଇ ଆଜି ତିନୋଟି ଜିଲ୍ଲା ଗସ୍ତରେ ଯାଇଛନ୍ତି ପୋଲିସ ଡିଜି ଅଭୟ ।

ଆଜି ପୋଲିସ ଡିଜି ଅଭୟ ପ୍ରଥମେ ବଲାଙ୍ଗୀର ଜିଲ୍ଲାରେ ପହଞ୍ଚିଥିଲେ । ରିଜର୍ଭ ପୋଲିସ କାର୍ଯ୍ୟାଳୟରେ ବଲାଙ୍ଗୀର ଜିଲ୍ଲାରେ ସେ କୋଭିଡ୍ ସ୍ଥିତି ନେଇ ସମୀକ୍ଷା ବୈଠକରେ ଯୋଗ ଦେଇଥିଲେ । ଏହି ବୈଠକରେ ଏସ୍‌ପିଙ୍କ ସମେତ ଜିଲ୍ଲାର ବରିଷ୍ଠ ଅଧିକାରୀଙ୍କ ସହ ଏନଫୋର୍ସମେଣ୍ଟ, ଯାଞ୍ଚ ଆଦି ପ୍ରସଙ୍ଗରେ ଆଲୋଚନା କରିଥିଲେ ।

ଏହାପରେ ସେ ନୂଆପଡ଼ା ଓ କଳାହାଣ୍ଡି ଜିଲ୍ଲା ଗସ୍ତ କରିବେ । ସେଠାରେ ଜିଲ୍ଲାର କୋଭିଡ୍ ସ୍ଥିତି ସମୀକ୍ଷା ସହ ଗାଇଡଲାଇନ୍ ପାଳନ ଓ ଏନଫୋର୍ସମେଣ୍ଟ ସମ୍ପର୍କରେ ଆଲୋଚନା କରିବେ । ଛତିଶଗଡ଼ ସୀମାନ୍ତ ଜିଲ୍ଲାରେ ବର୍ତ୍ତମାନ କରୋନା ସଂକ୍ରମଣ ଦ୍ରୁତ ଗତିରେ ବଢୁଛି ।