ବଦଳିଲେ ୬ ରାଜ୍ୟର ରାଜ୍ୟପାଳ

ନୂଆଦିଲ୍ଲୀ  :  ଆଜି ପୁଣି ଥରେ ଦେଶର ୬ଟି ରାଜ୍ୟର ରାଜ୍ୟପାଳଙ୍କୁ ଅଦଳବଦଳ କରାଯାଇଛି । ମଧ୍ୟପ୍ରଦେଶ ରାଜ୍ୟପାଳ ଆନନ୍ଦିବେନ୍‌ ପଟେଲ୍‌ଙ୍କୁ ଉତ୍ତର ପ୍ରଦେଶରେ ରାଜ୍ୟପାଳ ଭାବେ ନୂତନ ନିଯୁକ୍ତି ମିଳିଛି । ସେହିପରି ବିହାର ରାଜ୍ୟପାଳ ଲାଲଜୀ ଟଣ୍ଡନ ମଧ୍ୟ ପ୍ରଦେଶର ରାଜ୍ୟପାଳ ହୋଇଛନ୍ତି । ବିହାରର ନୂତନ ରାଜ୍ୟପାଳଭାବେ ଫଗୁ ଚୌହ୍ୱାନଙ୍କୁ ନିଯୁକ୍ତି ମିଳିଛି ।

ସେହିପରି ଜଗଦୀପ ଧନଖାର ପଶ୍ଚିମବଙ୍ଗ ରାଜ୍ୟପାଳ ହୋଇଛନ୍ତି । ରମେଶ ବୈଶଙ୍କୁ ତ୍ରିପୁରାର ରାଜ୍ୟପାଳ ଭାବେ ନିଯୁକ୍ତି ମିଳିଛି । ଏହା ସହିତ ନାଗାଲାଣ୍ଡ ରାଜ୍ୟପାଳ ଭାବେ ନିଯୁକ୍ତି ପାଇଛନ୍ତି ଆର୍‌.ଏନ୍‌. ରବି ।