ବଦଳିପାରେ ପରେଡ ସ୍ଥାନ, ରାଜଧାନୀର ତିନିଟି ସ୍ଥାନ ବୁଲି ଦେଖିଲେ ଡିଜିପି

ଭୁବନେଶ୍ୱର  : ଏଥର ବଦଳିପାରେ ପରେଡ ସ୍ଥାନ | ପୂର୍ବରୁ ଗାନ୍ଧୀ ମାର୍ଗରେ ସ୍ୱାଧୀନତା ଦିବସ ଓ ସାଧାରଣତନ୍ତ୍ର ଦିବସ ଉପଲକ୍ଷେ ପରେଡ ଅନୁଷ୍ଠିତ ହେଉଥିଲା | ତେବେ ଚଳିତ ବର୍ଷଠାରୁ ପରେଡ ସ୍ଥାନ ବଦଳିବା ନେଇ ସୂଚନା ମିଳିଛି | ପୁଲିସ ଡିଜି ଡ଼.ରାଜେନ୍ଦ୍ର ପ୍ରସାଦ ଶର୍ମା ଆଜି ରାଜଧାନୀର ତିନିଟି ସ୍ଥାନ ବୁଲି ନିରୀକ୍ଷଣ କରିଛନ୍ତି |

ପ୍ରଦର୍ଶନୀ ପଡିଆ, ଜନତା ମୈଦାନ ଓ କଳିଙ୍ଗ ଷ୍ଟାଡିୟମକୁ ବିକଳ୍ପ ପରେଡ ସ୍ଥଳ ଭାବେ ବୁଲି ଦେଖିଛନ୍ତି | ଆଜି ଡ଼ିଜିଙ୍କ ସହ ବରିଷ୍ଠ ପୁଲିସ ଅଧିକାରୀମାନେ ରାଜଧାନୀର ଏହି ତିନିଟି ସ୍ଥାନ ବୁଲି ଦେଖିଛନ୍ତି | ପରେଡ ସ୍ଥଳ ବଦଳିଲେ ଟ୍ରାଫିକ ସହ ସୁରକ୍ଷା ବ୍ୟବସ୍ଥା କିଭଳି ଆୟୋଜନ କରାଯାଇପାରିବ ସେ ନେଇ ଡିଜି ଅନ୍ୟ ପୁଲିସ ଅଧିକାରୀଙ୍କ ସହ ଆଲୋଚନା କରିଛନ୍ତି |

ଏଠାରେ ସୂଚନା ଥାଉ କି ସବୁ ବର୍ଷ ଗାନ୍ଧୀ ମାର୍ଗରେ ରାଜ୍ୟସ୍ତରୀୟ ପରେଡ ଆୟୋଜିତ ହୋଇଥାଏ | ତେବେ ଗାନ୍ଧୀମାର୍ଗକୁ ଆସିବା ପାଇଁ ଟ୍ରାଫିକ କଟକଣା ସହ ବହୁ ସଂଖ୍ୟାରେ ଫୋର୍ସ ମୁତୟନ ହୋଇଥାନ୍ତି |