ପ୍ରିୟଙ୍କା-ନିକ୍‌ଙ୍କ ବୈବାହିକ ସଂପର୍କକୁ ନେଇ ଏଭଳି ଭବିଷ୍ୟବାଣୀ କଲେ ଏହି ପ୍ରସିଦ୍ଧ ଜ୍ୟୋତିଷ

ମୁମ୍ବାଇ , ଡିସେମ୍ବର ୬ : ନିକ୍‌ୟାଙ୍କା ଡିସେମ୍ବର ୨ରେ ଯୋଧପୁରରେ ଆନୁଷ୍ଠାନିକ ଭାବରେ ବିବାହ ବନ୍ଧନରେ ବାନ୍ଧି ହୋଇ ସାରିଛନ୍ତି । ଦୁହିଁଙ୍କ ବିବାହ ସରିଥିବା ବେଳେ ଏବେ ସୋସିଆଲ ମିଡିଆରେ ଦୁହିଁଙ୍କ ବିବାହ କେତେ ଦିନ ତିଷ୍ଠିବ ସେ ନେଇ ତର୍କ ଆରମ୍ଭ ହୋଇଛି । କିଏ ବର୍ଷେ, କିଏ ଦୁଇ ବର୍ଷ ତ କିଏ ୩ ବର୍ଷ କହୁଥିବା ବେଳେ ଏବେ ଦୁହିଁଙ୍କ ବୈବାହିକ ସଂପର୍କକୁ ନେଇ ଭବିଷ୍ୟବାଣୀ କରିଛନ୍ତି ପ୍ରସିଦ୍ଧ ଜ୍ୟୋତିଷ ସଞ୍ଜୟ ବି ଜୁମାନି । ସେ ୧୩ବର୍ଷ ପୂର୍ବରୁ ପ୍ରିୟଙ୍କା ୩୬ବର୍ଷ ବୟସରେ ବିବାହ କରିବେ ବୋଲି କହିଥିଲେ ଏବଂ ତାହା ହିଁ ସତ ହେଲା ।

ଜୁମାନୀଙ୍କ କହିବା ଅନୁଯାୟୀ, ପ୍ରିୟଙ୍କାଙ୍କ ଜୀବନରେ ୯ ଅଙ୍କର ମହତ୍ତ୍ୱ ଅଧିକ । ଅଙ୍କ ୯ର ଲୋକମାନଙ୍କ ଉପରେ ମଙ୍ଗଳ ଗ୍ରହର ପ୍ରଭାବ ଅଧିକ ରହିଥାଏ । ଏଭଳି ଲୋକ ଉଚ୍ଚ ଆଶାବାଦୀ ଏବଂ ନେତୃତ୍ୱ ନେବାରେ ବିଶ୍ୱାସ ରଖିଥାନ୍ତି । ୪୫ ବର୍ଷ ବୟସରେ ପାଦ ଦେବା ପରେ ପ୍ରିୟଙ୍କା ରାଜନୀତିରେ ପାଦ ଦେଇ ପାରନ୍ତି ।