ପୁଲଓ୍ଵାମା ସହିଦଙ୍କୁ ଉତ୍ସର୍ଗ କରି ହେଉଥିବା ‘ତୁ ଦେଶ ମେରା’ ଗୀତରେ ଦିଶିବେ ଶାହରୁଖ ଖାନ୍‌

ଶ୍ରୀନଗର  : ପୁଲଓ୍ଵାମା ଆକ୍ରମଣରେ ସହିଦ ହୋଇଥିବା ଯବାନମାନଙ୍କୁ ଉତ୍ସର୍ଗ କରି ତିଆରି ହେଉଥିବା ଗୀତ ‘ତୁ ଦେଶ ମେରା’ରେ ସୁପର୍‌ଷ୍ଟାର୍‌ ଶାହରୁଖ ଖାନ ବି ନିଜର ଆସିପାରନ୍ତି ବୋଲି ସୂଚନା ରହିଛି। ଏହି ଗୀତର ସୁଟିଂ କାର୍ଯ୍ୟ ଆରମ୍ଭ ହୋଇଛି। ଏଥିରେ ବିଗ୍‌ ବି ଅମିତାଭ ବଚ୍ଚନ, କାର୍ତ୍ତିକ ଆର୍ଯ୍ୟନ, ଟାଇଗର୍‌ ସରଫ୍‌ ଓ ଐଶ୍ୱର୍ଯ୍ୟା ରାୟ ବଚ୍ଚନଙ୍କ ସହ ଅନ୍ୟମାନେ ନଜର ଆସିବେ ବୋଲି ପୂର୍ବରୁ ସୂଚନା ରହିଥିଲା। ଏବେ ଏହି ଗୀତରେ ଦିଲଓ୍ଵାଲି ବୟ ଶାହରୁଖଙ୍କର ବି ଅବଦାନ ରହିବ ବୋଲି ଜାଣିବାକୁ ମିଳିଛି।