ଭୁବନେଶ୍ୱର, ଡିସେମ୍ବର ୨୩ : ପୁଣି ଭିଜିଲାନ୍ସ ଜାଲରେ ଜଣେ ଅଙ୍ଗନବାଡ଼ି ଦିଦି । ଆୟ ବହିର୍ଭୁତ ସମ୍ପତି ଠୁଳ ଅଭିଯୋଗରେ ପୁରୀ ଜିଲ୍ଲା ଅଙ୍ଗନବାଡ଼ି କର୍ମୀ ସନ୍ଧ୍ୟାରାଣୀ ଭଟ୍ଟ ଙ୍କ ଘରେ ଭିଜଲାନ୍ସ ଚଢାଉ କରିଛି ।
ପୁରୀ ଜିଲ୍ଲା ପିପିଲି ଅନ୍ତର୍ଗତ ହାଟସାହି ଗାଁ ରହୁଥିବା ଅଙ୍ଗନବାଡ଼ି କର୍ମୀ ସନ୍ଧ୍ୟାରାଣୀ ଭଟ୍ଟ ଙ୍କ ନାଁ ରେ ଆୟ ବହିର୍ଭୁତ ସମ୍ପତି ଠୁଳ ଅଭିଯୋଗ ଆସିଛି । ଅକ୍ଷୟଧାମ ଅଙ୍ଗନବାଡ଼ି ରେ ସେ କାର୍ଯ୍ୟ କରୁଛନ୍ତି । ଏକକାଳୀନ ୭ ଟି ସ୍ଥାନରେ ଚଢାଉ କରିଛି ଭିଜିଲାନ୍ସ । ଆଜି ଭିଜିଲାନ୍ସ ଟିମ୍ ସନ୍ଧ୍ୟାରାଣୀଙ୍କ ବାପା ଘର, ଅକ୍ଷୟଧାମ ମାଛ ବଜାର ବାସେଳି ସାହି ସ୍ଥିତ ଘର, ସାମନ୍ତ ଖଟେମି ନ ୨୬୫୬ ସ୍ଥିତ ଅନ୍ୟ ଏକ ଘର, ପିପିଲି ହାଟିଶାଳ ରେ ଥିବା ଥିବା ୩ ମହଲା ଘରେ ଓ ଅଙ୍ଗନବାଡ଼ି କେନ୍ଦ୍ରରେ ଚଢାଉ । ଏହା ସହ ତାଙ୍କ ସ୍ବାମୀ ପ୍ରଭାତ ମିଶ୍ର ସହକାରୀ ଫିସେରି ଅଫିସର ଭାବେ କାର୍ଯ୍ୟ କରୁଥିବା କାର୍ଯ୍ୟାଳୟ ରେ ରେଡ କରିଛି ଭିଜିଲାନ୍ସ । ଯାଞ୍ଚ ବେଳେ ଅନେକ ଜରୁରୀ କାଗଜପତ୍ର ଓ ସୁନାଗହଣା ଭିଜିଲାନ୍ସର ହସ୍ତଗତ ହୋଇଥିବା ସୂଚନା ମିଳିଛି। ତେବେ ବର୍ତ୍ତମାନ ସୁଦ୍ଧା ଯାଞ୍ଚ୍ ଜାରି ରହିଛି।
Prasanta Patnaik