ପାଣିରେ ବୁଡ଼ିଗଲେ ଭାଇ ଭଉଣୀ

ଗଜପତି, ନଭେମ୍ବର ୮: ଭାଇ ଭଉଣୀଙ୍କ ସଲିଳ ସମାଧି। ମା’ଙ୍କ ସହ ନଦୀରେ ଗାଧୋଉଥିବା ବେଳେ ବୁଡ଼ିଗଲେ ଏହି ଭାଇ ଭଉଣୀ।ଗଜପତି ଜିଲ୍ଲା ମୋହନାରୁ ଆଜି ସକାଳୁ ସକାଳୁ ଏମିତି ଦୁଃଖଦ ଖବର ଆସି ପହଞ୍ଚିଛି।ମୃତ ଭାଇଭଉଣୀ ହେଲେ ସୌମ୍ୟା ସୁଆଲସିଂ (୬) ଓ ବିଷ୍ଣୁ ସୁଆଲସିଂ (୩)।ସୁଚନା ଅନୁସାରେ, ନଦୀରେ ମା’ଙ୍କ ସହ ଏ ଦୁହେଁ ଗାଧୋଇବାକୁ ଯାଇଥିଲେ। ହଠାତ୍‌ ଦୁହେଁ ପାଣିରେ ବୁଡ଼ି ଯାଇଥିଲେ। ଦୁଇ ଛୁଆଙ୍କୁ ଉଦ୍ଧାର କରି ମହିଳା ଜଣଙ୍କ ମୋହନା ଡାକ୍ତରଖାନାକୁ ଆଣିଥିଲେ। ତେବେ ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ।ପୁଲିସ୍ ମୃତଦେହ ଜବତ କରି ତଦନ୍ତ କରୁଛି।