ରାଉରକେଲା, ୧ା୧୨ : ନିଆଁରେ ପୋଡ଼ି ହୋଇ ୨ ଜଣ ଆହତ ହୋଇଛନ୍ତି । ସେମାନଙ୍କୁ ଚିକିତ୍ସା ପାଇଁ ଆର୍ଜିଏଚ୍ରେ ଭର୍ତ୍ତି କରା ଯାଇଛି । ଉଭୟଙ୍କ ଅବସ୍ଥା ଗୁରୁତର ହେବାରୁ ସେମାନଙ୍କୁ ବୁର୍ଲା ସ୍ଥାନାନ୍ତର କରାଯାଇଛି । ଗଙ୍ଗାଧରପାଲି ବସ୍ତିରେ ରହୁଥିବା ବଳରାମ ସିଂ (୪୨) ନାମକ ଜଣେ ବ୍ୟକ୍ତି ଗାଧୋଇବା ପାଇଁ ଘରେ ଷ୍ଟୋଭ୍ରେ ପାଣି ଗରମ କରୁଥିଲେ ।
ଅସାବଧନତା ବଶତଃ ତାଙ୍କ ଚାଦରରେ ନିଆଁ ଲାଗି ଯାଇଥିଲା । ଏଥିରେ ପୋଡ଼ି ଯାଇ ସେ ଗୁରୁତର ଭାବେ ଆହତ ହୋଇଥିଲେ । ଚିକିତ୍ସା ପାଇଁ ତାଙ୍କୁ ତୁରନ୍ତ ଆର୍ଜିଏଚ୍ରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କ ଅବସ୍ଥା ଗୁୁରୁତର ହେବାରୁ ତାଙ୍କୁ ବୁର୍ଲା ସ୍ଥାନାନ୍ତର କରାଯାଇଛି । ସେହିପରି ଲାଠିକଟା ବଲଣ୍ଡା ଅଞ୍ଚଳର ସରସ୍ୱତୀ ବାର୍ଲା ନାମ୍ନୀ ଜଣେ ମହିଳା ଛ’ଣ ଜାଳି ଧାନ ଉଷୁଁଅ ଥିଲେ । ଶାଢ଼ୀ କାନିରେ ଲାଗି ଯିବାରୁ ସେ ପୋଡ଼ି ଯାଇ ଗୁରୁତର ଆହତ ହୋଇଥିଲେ । ଚିକିତ୍ସା ପାଇଁ ପ୍ରଥମେ ତାଙ୍କୁ ଆର୍ଜିଏଚ୍ରେ ଭର୍ତ୍ତି କରାଯାଇଥିଲା । ଅବସ୍ଥା ସଂକଟାପନ୍ନ ହେବାରୁ ସରସ୍ୱତୀଙ୍କୁ ମଧ୍ୟ ବୁର୍ଲା ରେଫର କରାଯାଇଛି ।