ଭୁବନେଶ୍ବର : ଧାରା ୩୭୦ ଉଚ୍ଛେଦକୁ ସାରା ଦେଶ ସମର୍ଥନ କରିଛି । ଓଡିଶାର ଶାସକ ଦଳ ମଧ୍ୟ ମୋଦୀ ସରକାରଙ୍କ ଏହି ଐତିହାସିକ ନିଷ୍ପତ୍ତିକୁ ସମର୍ଥନ କରିଛନ୍ତି । ତେବେ କାଲି ଦିନ ସାରା ୩୭୦ ଉଚ୍ଛେଦ ଉପରେ ଚର୍ଚ୍ଚା ଆଲୋଚନା ଚାଲିଥିବା ବେଳେ ଆଜି ଏହି ପ୍ରସଙ୍ଗରେ ପ୍ରତିକ୍ରିୟା ରଖିଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ ।
ଧାରା ୩୭୦ ଉଚ୍ଛେଦ କରିବା କାଶ୍ମୀର ଜନସାଧାରଣଙ୍କ ବିଶ୍ୱାସ ଭାଙ୍ଗିବା ସହ ସମାନ ବୋଲି ନିରଞ୍ଜନ କହିଛନ୍ତି । ତେବେ ୭୦ ବର୍ଷ ତଳେ କେଉଁ ପରିସ୍ଥିତି ଏହି ଆଇନ ଲାଗୁ କରାଯାଇଥିଲା ତାହା ବୁଝିବା ଦରକାର । ହୁଏତ ସେତେବେଳେ ସେ ଆଇନ ଲାଗୁ ହୋଇନଥିଲେ ଆଜି କାଶ୍ମୀର ଥାଆନ୍ତା କି ନାହିଁ ବୋଲି ନିରଞ୍ଜନ କହିଛନ୍ତି ।
କେନ୍ଦ୍ର ସରକାର ଯଦି କଳେବଳେ କୌଶଳେ ପରିସ୍ଥିତିକୁ ସାମ୍ନା କରିବା ସହ କାଶ୍ମୀର ସମସ୍ୟାର ସମାଧାନ କରିପାରିଲେ ତେବେ ବହୁତ ଭଲ କଥା । ଗୋଟେ ଦେଶରେ ଗୋଟେ ସମ୍ବିଧାନ ରହିବା ଭଲ । କିନ୍ତୁ ଏହି ପଦକ୍ଷେପକୁ ବିଛିନ୍ନତାବାଦୀ ଆଉ ଅନ୍ୟ ଦେଶ କେମିତି ଗ୍ରହଣ କରୁଛନ୍ତି, ତା ଉପରେ କାଶ୍ମୀର ସମସ୍ୟାର ସମାଧାନ ନିର୍ଭର କରୁଛି । ଉତ୍ତର-ପୂର୍ବରେ ଅନ୍ୟ ରାଜ୍ୟକୁ ସ୍ୱତନ୍ତ୍ର ସୁବିଧା ଦିଆଯାଇଛି । ତାକୁ ମଧ୍ୟ ଉଚ୍ଛେଦ କରନ୍ତୁ । କାଶ୍ମୀର କଣ ଅସୁବିଧା କରୁଥିଲା ବୋଲି ନିରଞ୍ଜନ ପ୍ରଶ୍ନ କରିଛନ୍ତି ।
Prasanta Patnaik