ଦେବଗଡରେ ଅଜଣା ଜନ୍ତୁ ଆତଙ୍କ ; ୧୨ ଛେଳି ମୃତ, ୨୫ ନିଖୋଜ

ଦେବଗଡ, ଜାନୁଆରୀ ୦୪ : ଦେବଗଡରେ ଦେଖିବାକୁ ମିଳିଛି ଅଜଣା ଜନ୍ତୁ ଆତଙ୍କ । ଏହା ଫଳରେ ୧୨ ଛେଳି ଏବଂ ଗୋଟିଏ ଗାଇ ମୃତ୍ୟୁ ବରଣ କରିଥିବାବେଳେ ୨୫ଟି ଛେଳି ନିଖୋଜ ରହିଥିବା ସୂଚନା ମିଳିଛି । ଏଭଳି ଅଘଟଣ ଦେଖିବାକୁ ମିଳିଛି ଦେବଗଡ ଜିଲ୍ଲା ବାରକୋଟ ବନାଂଚଳ ଅର୍ନ୍ତଗତ ଚିକିଡିହି ଗାଁରେ । ସୂଚନା ଅନୁସାରେ, ଗତକାଲି ଜଙ୍ଗଲକୁ ଛେଳି ଗୁଡିକୁ ଧରି ଜଗୁଆଳ ଯାଇଥିଲା । ତେବେ ଅପରାହ୍ନରେ ଫେରିବା ସମୟରେ କିଛି ଛେଳି ନିଖୋଜ ହୋଇଯାଇଥିଲେ । ଏହା ପରେ ଆଜି ସକାଳୁ ଜଙ୍ଗଳରେ କିଛି ଛେଳିର ମୃତଦେହ ପଡିଥିବାର ଦେଖିବାକୁ ମିଳିଥିଲା । ମୃତ ଛେଳି ଗୁଡିକର ପେଟ କଟାଯାଇଥିବାର ଦେଖିବାକୁ ମିଳିଛି । ଘଟଣା ସ୍ଥଳରେ ବାରକୋଟ ବନ ବିଭାଗର ଅଧିକାରୀମାନେ ପଂହଚି ତଦନ୍ତ ଜାରି ରଖିଛନ୍ତି ।