ଦୀପ ଉତ୍ସବ ପାଇଁ ହଳଦିଆ ରଙ୍ଗରେ ସଜେଇ ହେବ ଅଯୋଧ୍ୟା

ଅଯୋଧ୍ୟା : ଦୀପାବଳି ଅବସରରେ ଅଯୋଧ୍ୟାରେ ଦୀପ ଉତ୍ସବ ପାଳନ ହୋଇଥାଏ। ଚଳିତ ବର୍ଷ ଦୀପ ଉତ୍ସବରେ ଆଉ ସାରା ଅଯୋଧ୍ୟା ଗେରୁଆ ରଙ୍ଗରେ ସଜେଇ ହେବନାହିଁ। ଦୀପ ଉତ୍ସବ ପାଇଁ ସମଗ୍ର ଅଯୋଧ୍ୟାକୁ ହଳଦିଆ ରଙ୍ଗରେ ସଜେଇବାକୁ ନିଷ୍ପତ୍ତି ହୋଇଛି।

ଅଯୋଧ୍ୟା ଜିଲ୍ଲା ପ୍ରଶାସନ ପକ୍ଷରୁ ଏ ସର୍ମ୍ପରେ ଘୋଷଣା କରାଯାଇଛି। ଶ୍ରୀରାମ ହସ୍ପିଟାଲ ଠାରୁ ନୟାଘାଟ ଯାଏ ଦୀପାବଳି ବେଳେ ଦୀପ ଉତ୍ସବ ଅନୁଷ୍ଠିତ ହେବ। ଏହି ସମୟରେ ସମଗ୍ର ଅଞ୍ଚଳକୁ ହଳଦିଆ ରଙ୍ଗରେ ରଙ୍ଗାୟିତ କରାଯିବ।

ଫୈଜାବାଦ ଡିଭିଜନ କମିଶନର ମନୋଜ ମିଶ୍ର କହିଛନ୍ତି, “ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶକ୍ରମେ ଅଯୋଧ୍ୟାରେ ଥିବା ସମସ୍ତ ବିଲଡିଂକୁ ଗୋଟିଏ ରଙ୍ଗରେ ସଜେଇବାକୁ ନିଷ୍ପତ୍ତି ହୋଇଛି। ସମଗ୍ର ଅଞ୍ଚଳ ଯେମିତି ସୁନ୍ଦର ଦେଖାଯିବ, ସେଥିପାଇଁ ଏଭଳି ନିଷ୍ପତ୍ତି ନିଆଁ ଯାଇଛି।